（獨媒報導）宏盛閣18樓鄺小姐今日與夫婚夫及兩名友人上樓執拾。她入屋後第一時間走向枱面，發現求婚戒指仍完好安放在枱上、未有物品失竊後，即時鬆一口氣。她之後取走三部揚琴及婚紗，離開屋企前又以揚琴彈奏《今宵多珍重》作告別。她說特別記得一句歌詞「相愛偏不能容」：「佢首歌可能講緊愛人，對於我嚟講，就係我好鍾意呢個地方，但我已經無得再喺呢一度住。」
鄺小姐帶走的三部揚琴中，其中一部伊朗揚琴有部分發霉，她在回家後表示正努力抽濕中。（受訪者提供）
鄺小姐的單位未有任何損毀，只有部分傢俬鋪灰，「我諗清潔吓都ok，清潔吓、抽吓濕都住得人」。她今日主要取走貴重物件、現金外、三部揚琴、婚紗及表演服飾，並會爭取再上樓機會，又希望政府將原址重建納入選項：「但係而家根本就係冇得揀。」
鄺小姐尋回的求婚戒指（受訪者提供）
鄺小姐與未婚夫在2024年10月入伙，親手建立一個家，原本計劃入伙後結婚，未料一場大火將婚禮無限期延後。今日取回婚紗後，她笑言日後一定會在婚禮穿上：「一定要着呀，咁辛苦攞出嚟。」她又說，因要花心力處理安置問題，決定延後婚禮，但與未婚夫的感情未受影響：「由火燭當日到每一個唔同階段，都要一齊去經過，或者有啲決定一齊去傾嘅時候，其實都係磨練嚟，我覺得我哋感情係好咗。」，
「我哋兩個都算樂觀嘅人，或者我係一個積極向前行嘅人，move on都算快，好快接受咗個事實，咁咪隨緣到時再算。」她又乘機向未婚夫「表白」：「多謝佢，我係比較emotional，佢除咗要處理佢嘅Emotional，仲要support我嘅emotional，所以其實都幾辛苦。」