【獨媒報導】內地上周宣布開放多兩個城市西安及青島自由行到港,下月接受申請,令自由行城市由49個增至51個。不過有聽眾致電電台,認為增加2個幫助不大,指港人亦因物價問題到內地消費,增加旅客人數亦會帶來其他社會問題,批評政府「咩嘢都唔做,淨係指望旅遊救經濟」。
港台節目今早討論自由行城市增至51個,有聽眾不認同。張先生質疑:「49個如果係得嘅宜家都得啦,有咩幫助呢?」他指香港並非旅遊城市,「宜家搞旅遊,同中央申請呢個嗰個,攤大手板。」張先生提到,港人目前已因香港物價高的問題,而轉到內地消費,他認識的內地朋友即便持有「一簽多行」簽證,訪港一次亦不會再到港。
張先生又提到,增加旅客人數會帶來其他社會問題,包括物價、醫療、治安、交通等「係咪承受得到呢?」他批評「香港政府咩嘢都唔做,淨係指望旅遊救經濟」。








