【獨媒報導】居於宏仁閣的溫先生今日上樓，提及業主大會問題。他指法團理應根據法例召開業主大會，「呢啲係嗰個法律嚟㗎嘛，唔需要多講囉。」他無奈指居民已經盡力爭取，但如果最後仍無法召開業主大會，亦「無話可說」，「我哋只係平民嚟㗎嘛」，「咁我哋仲可以做到咩，咁我唯有聽天由命囉。政府想做啲乜嘢嘅我哋都管唔到。」

溫先生認為，業主大會可討論居民的安置方案和出路。居民出售業權後，將各散東西，「咁已經散晒啦，咁仲可以可唔可以發言呢 ？仲可唔可以仲有權去再講嘢呢 ？」

他明言，居民和死者都需要一個道歉，「死者要一個公平嘅合理嘅道歉，咁有冇呢 ？」溫先生稱，重點不在於是否承認事件屬人為，「其實而家開咗個聽證會啦 ，咁你個政府你覺得有啲咩人係做錯呢 ？如果係成班都人冇做錯嘅，咁咪唔需要道歉囉，咁唔需要道歉咁即係呢班人枉死囉，好簡單嘅啫，咁你認為冇人錯嘅，咁咪枉死囉！」「如果唔承認嘅、係意外嘅，咁冇嘢講囉。」

對於安置，溫先生稱目前選擇不足，「樓換樓」方案需要經過抽籤，亦需額外補錢。此外，宏福苑居民多已上年紀，難再供樓。他促增加賠償金額，讓居民在自由市場解決問題。

【獨媒報導】居住宏盛閣的洪女士今日第二次上樓，她離開宏福苑時向記者控訴，居民聲音一直被無視。即使居民在大維修初期已發現問題，但仍無法阻止悲劇發生。直至現在災後善後以及安置安排等，意見仍然不被採納。「由大維修、大圍標去到依家，冇一樣嘢係有得我哋say嘅地方。」

洪女士明言難以放下事件，「我哋當初唔係冇做任何嘢，我哋有行出嚟，我哋喺維修嘅過程有發現問題，有搵過相關嘅部門，只不過就冇一個（部門）正視呢個問題嘅出現，先至搞到一夜之間幾千個人無家可歸，百幾條人命，真係好難放低！」

「霎時之間叫我哋放低，唔係賣咗間屋就一了百了！」

她斥責政府部門集體失職，「你唔使還番啲死者一個公道麼？唔使對我哋宏福苑幾千個人有一個交代麼？你宜家唔係一個人問題，係幾個部門集體失職呀！」

洪女士家中外望（洪女士提供）

多月來精神受折磨

【獨媒報導】宏福苑居民第二輪分批上樓，今日（5月23日）是宏仁閣、宏新閣及宏泰閣居民回家。按政府時間表，宏建閣、宏昌閣居民將於明日（5月24日）起連續兩日上樓，不過宏建閣居民秦小姐因事改期至今日。她上樓前表示，限時三小時太短，「搬屋執嘢都要執好耐啦，我覺得無可能兩次可以執得晒」，冀能再上樓。

被問到政府提供的長遠安置的計劃，秦小姐認為未夠清晰，她未有決定之餘亦感無奈，「你依家好似強迫我哋賣咗佢咁，好多嘢諗，總之好多嘢煩」。

她自言很喜歡宏福苑，形容住所「旺丁」，與家人不時在家與朋友聚會，「我鍾意呢個地方，我覺得好好住嘅。」對她來說，最好的安置選項是留在原址。「本身住喺度，諗住住一世㗎喎，如果可以返嚟，我梗係返嚟啦，但係依家，佢哋好似畀好多選擇我，但其實又無選擇。」

印尼外傭 Sholikah 今早與僱主家人上樓，打算取回衣物。她為僱主工作已經11年，主要照顧老太太。她稱宏福苑也是自己的家，「睇呢啲都好痛苦」，上次上樓時已跟單位告別，慶幸仍有第二次說見的機會。現時 Sholikah 與婆婆暫居元朗江夏圍過渡性房屋生活，不過婆婆常提及宏福苑環境好和比較方便。

【獨媒報導】港會七人賽周五晚上開鑼，在十年曾替李斯特城贏得英超冠軍的雙子，成為球迷風頭躉。十年前，李斯特城在2015/16年球季贏得英超冠軍，寫下了「狐狸童話」，艾伯禮頓（Marc Albrighton）與丹尼森遜（Danny Simpson）是陣中一員，十年後，李斯特城今季在英冠聯賽降班，來季將在英甲作賽。二人今次來港一起參與港會七人賽，接受《獨媒》訪問時均大讚香港球迷熱情，但就對「狐狸」來季降班英甲感到難過。

二人為新加坡球隊出戰搜尋賽事，分別取得入球，故劍重逢風采不減當年，他們在比賽後接受《獨媒》訪問。現年36歲的艾伯禮頓曾先後隨阿士東維拉、李斯特城訪港，十多年曾以阿士東維拉青年隊球員身份參加港會七人賽，兼贏得冠軍。他接受訪問時顯得內斂，對再次來港感到興奮，大讚「香港好正」、「體驗好好」及「球迷熱情」。