【獨媒報導】《基本法》第23條立法諮詢昨日開始,對於諮詢期僅得一個月,前全國人大常委譚耀宗表示文件全面,而且正值農曆新年假期期間,各界有更多時間閱讀。譚耀宗稱昨日曾閱讀文件,用了三小時已可閱畢細節:「睇咗之後第一我覺得⋯⋯呀!呢個諮詢文件寫得好!佢好嘅地方係咩呢?令你好明白,喂!做乜嘢我哋宜家為23條立法、立法啲範圍係乜嘢。」
全體立法會議員昨日發聲明,希望能盡快通過第23條立法。譚耀宗今早在商台節目《在晴朗的一天出發》表示,議員的聲明欲表達該議題已討論很久,社會亦對立法有共識,但目前只屬諮詢文件,仍有待法案正式提交立法會,如法案委員會加開會議,便可以加快審議,有機會在暑假休會前通過。
讚賞諮詢文件 譚耀宗:一定可以保護到我哋
譚耀宗指出,文件提及普通法國家的立法經驗,及過往的不足:「我覺得好全面,亦都容易明白,容易了解,比較清楚。」他表示對諮詢文件表示讚賞:「佢拖咗咁耐都未拎到出嚟,我諗佢真係想做好啲。我覺得過咗之後,對香港社會穩定,對維護國家安全一定起到作用,一定可以保護到我哋,幫助到我哋。」






