【獨媒報導】自2014年起在本港舉辦的「Pink Dot 一點粉紅」，連續第二年於九龍灣國際展貿中心舉行，本年主題為「我係咁！敢係我！Express Yourself!」，場內身穿粉紅色衣物的人潮絡繹不絕，現場亦不時傳出歡呼聲，氣氛熱烈。有連續兩年出席活動的情侶表示，不論任何性別、性取向的人士都可以支持性別平權，活動「唔係淨係性小眾嗰班聚埋一齊」；亦有家長帶同小朋友路過參與，認為讓小朋友及早認識性別議題是好事。
「Pink Dot 一點粉紅」由大愛同盟、愛．酷兒及LEZO合辦，自2014年起每年以嘉年華形式舉行，曾選址西九文化區及添馬公園等，活動於2019年因社會運動暫停，2020年改為線上舉行，去年則改為室內市集。
今年活動分別在九龍灣國際展貿中心地下中庭及6樓全層進行，設有巿集和手作坊、逾20個社區組織攤位、兒童樂園與運動區，並舉辦性小眾分享、放映會、變裝皇后（drag queen）表演及音樂會等，有逾20個演出單位及嘉賓出席，包括「粉紅大使」梁祖堯及馮允謙、藝人顧定軒、葉巧琳、吳家忻（Kayan9896）、麗英（鄧麗英）及陳柏宇等。
連續第二年移師室內 參加者：望立法禁歧視性小眾
結伴出席的情侶葉先生與陳小姐表示，自己是第二次到場支持，希望向大眾證明「唔係淨係性小眾嗰班先聚埋一齊」，不論任何性別、性取向的人士，都可以支持性別平權。他們認為活動氣氛熱烈，樂見性小眾「自在同開心」地聚首一堂，亦希望活動早日恢復於戶外地方進行，「俾所有行過嘅人都可以感受到」。
被問及是否性小眾，陳小姐直言不希望為任何人貼上標籤，「無謂夾硬喺度分類啦，最緊要係呢件事冇錯㗎嘛！」她亦認為，香港社會近年對性小眾持更開放態度，同性伴侶亦更勇於在公眾場合表達自己，「拖下手仔、餵下嘢食，可以好似普通情侶咁」。
葉先生提到，自己有份參與策劃的BL舞台劇「BOYS 2」亦有在「粉紅市集」擺攤宣傳，而他最關注訂立法例禁止歧視性小眾，因他認為即使社會漸趨開放，仍有不少反對聲音攻擊性小眾，希望市民能夠明白他們與一般人無異，「大家都係做緊平常嘅事」。
葉先生和陳小姐
父親攜2歲兒參加：及早認識是好事
黎先生今日帶同2歲兒子到九展的「歡樂天地」遊玩，路過發現Pink Dot的活動便進場參觀。雖然小朋友年紀尚輕，但他認為無法迴避性別議題，「我細個嘅年代係唔會講呢樣嘢，而家我覺得小朋友都要認識、知道，男女之外仲有好多性別」。他解釋道，「佢再大啲可能有唔同嘅性取向，及早畀我哋知道、佢自己都知道，其實係一件好事」。
黎又讚賞一眾NGO攤位用心地將遊戲與教育結合，「唔會齋玩、有啲message」，並笑言九展平日一向人流冷清，但今日則「好有愛、氣氛超好」，下年也會考慮再參加。
黎先生與兒子
