【獨媒報導】今年是六四維園連續第七年沒有悼念晚會，市民續以自己的方式到維園一帶，有人看書，有人作畫，有人默站，亦有人散步……
正日生日 閱讀鄭南榕
今日51歲生日的李先生，傍晚在維園閱讀。他稱自1989年後，便不會再於正日當天慶祝，朋友亦只會祝他「生日平安」而非「生日快樂」。
李先生提到，自第一屆（1990年）維園六四燭光晚會起，六四皆會前來維園，36年來從未間斷。他今日特意請假，到維園閱讀台灣八十年代創辦的黨外雜誌《自由時代周刊》，由及後因不欲遭國民黨政府審判而自焚身亡的鄭南榕編輯。「趁呢一個鐘數又仲有咁嘅陽光，又唔係好熱就坐喺度睇書咁。」
該期周刊封面大字為「我們要的是徹頭徹尾、不折不扣的自由」，他說本來不知道誰是鄭南榕，後來認識到南韓、台灣等地爭取民主的歷程，才在獨立書店購入此書。
李先生身穿黑衣黑褲、戴上黑帽，稱自己十分重視衣着禮儀，「等於我去喪禮呢，我就唔會著其他顏色，我就係著黑色咁。」
地獄畫作
身穿黑色背心的Stanley ，帶同書本《衛斯理之老貓》，坐在長椅上喝啤酒和畫畫。他指「黑衫就我唔係特別著出嚟嘅，不過我每年都會咁啱著出嚟 ，6月4號都咁樣著出嚟，然之後喺呢度坐下chill下。」
他指《老貓》適合今日氣氛，所飲的1664品牌啤酒亦能解暑，「依家咁熱，就會想飲翻啲清涼少少嘅酒。」他的畫作背景為地獄，相信今天能啟發其靈感。
客滿的長椅
6月4日的維園長椅，忽然非常熱鬧，出現疑似「霸櫈黨」，阿麗則選擇在足球場旁默站及祈禱。她談及過往每年皆會出席晚會時，不禁哽咽落淚。在維園，阿麗稱感覺到有同行者。
1664啤酒
晚上天氣仍非常炎熱，不少市民皆與Stanley般飲啤酒消暑，Mary與朋友不約而同，亦選擇了「1664」品牌，一邊飲用一邊在維園散步。Mary說自六七年前認識六四歷史後，每年六四皆會前來維園，「同埋你哋要掩蓋佢啦係咪，發生咁大件事，仲要打壓我哋啦係咪 ？」
黑白 Conscience
每年六四皆會手持鮮花到銅鑼灣悼念的Brian，今年穿上「黑白 Conscience」字眼的黑色上衣，他向記者稱「良知應該係要黑白嘅，所以呢啲日日都可以記住。」「Conscience就應該冇咩問題掛，咁如果大家覺得conscience都有問題嘅咁就好大問題㗎啦。」
他指雖然今日前往維園亦有擔憂，但表示不希望活於恐懼之中，「你唔俾人出嚟，已經係睇到個社會已經係一路轉緊，咁轉唔單止係依件事，佢背後都係啲恐懼。」