【獨媒報導】《十四五規劃綱要》宣講團今日在港舉行多場會議介紹，政總上午舉行首場宣講會。行政會議成員、前金管局總裁任志剛在會後建議可以人民幣買賣恒生指數60隻成份股，並強調不擔心會影響港元地位，「外地投資者投資中國概念股嘅時候，你諗下佢係咪想同時冒一個外匯風險，定係冒人民幣風險，定冒港幣風險呢？我好肯定其實會有好多人都想冒一冒人民幣嘅風險！」
任志剛在會後指，「十四五規劃」表明以人民幣自由使用為基礎，推進人民幣國際化。他指自己在會上曾提問，可否把在港使用人民幣推向資本市場，例如恒生指數60隻成份股以人民幣報價、交易及清算，「唔係話取代港元，而係畀投資者有個選擇」，預計政府會詳細研究。
對於做法會否減弱港元地位，任志剛稱「我一啲都唔擔心」，強調採用的貨幣係由投資者自己決定，「佢可以用人民幣去買，賣股票攞返港幣又得」。他指做法是對人民幣國際化進程一大步，並可減少港元資金流出流入。
左起：黃玉山、任志剛、葉玉如
全國人大常委將《反外國制裁法》納入《基本法》附件三，被問及有否向官員反映外資的擔憂。任志剛答非所問，稱要花多點時間考慮立法都香港金融業的影響，「你唔好忘記外國制裁香港或者內地嘅人，譬如特首，佢係可以息事寧人咁去同金融體系機構斷絕關係。等到呢間機間冇咁尷尬、冇咁難做。」他又指，在反制裁下，被制裁的是美國的人，「你諗下佢又會唔會息事寧人去令銀行冇咁難做呢？」
被問及是否有足夠時間反映意見，任志剛坦言不夠時間，「因為我有好多意見。」香港科技大學副校長葉玉如就指並非只有一個渠道反映意見。
香港研究資助局主席黃玉山則指宣講很全面，強調要發展創新科技，及培養人才。他透露，中國官員認為香港基礎教育「做得好好」，將來應繼續配合國家發展。