宏福苑業主戴自文
【獨媒報導】火災後第二次的宏福苑業主大會今晚舉行。有出席會議的居民表示，留意到民建聯大埔南區議員、宏福苑前法團顧問黃碧嬌近日被傳媒揭發曾收取離世業主授權票，對此感到開心。亦有居民指黃在大維修時積極爭取授權票，如今宏福苑狀況更差，希望她黃「早日康復」現身人前：「好多街坊都關心佢，好想佢出嚟關心返我哋」。（影像報導）
黃碧嬌在委任宏福苑大維修工程顧問鴻毅的2021年12月11日、罷免舊法團的2024年9月6日兩次特別業主大會中，收集共279張授權票，而黃在書面供詞中表示，授權票由自己及義工、舊法團、社區好友等聯合收集。不過，《香港01》上月報導揭發，授權黃碧嬌的單位中，她的團隊至少3次收取「離世授權票」。民政總署回覆指已轉交執法部門跟進，黃則兩度請病假缺席區議會會議，亦沒回覆傳媒查詢。
對於黃碧嬌兩度在區議會上「因病缺席」，火災遺屬葉家駒認為民建聯須有交代，並質疑執法部門至今似乎仍沒有任何行動：「民建聯自己作為一個咁大嘅政黨，除咗一個好官腔嘅辯解之外，佢有冇認真審視過？當中牽涉是否得黃碧嬌一個？」
葉家駒（右）
宏仁閣租客謝先生就希望黃碧嬌能早日康復，現身出來協助街坊：「我都唔想佢長命百歲，但係百病纏身㗎嘛，而家好多街坊搵緊佢幫手。」他質疑對方在大維修時積極爭取授權票，如今宏福苑狀況更差，理應「更加上心」，「所以好多街坊都關心佢，好想佢出嚟關心翻我哋」。
謝先生又期待，當局能用「釘死佢嗰個態度」問責失職公務員。他指出，起火、蔓延、逃生及滅火四個範疇皆監管失效，才導致多人死亡，不滿涉事官員僅答「不理想」：「一係呢，嗰班公務員好流，一係就做假嗰班國際級嘅，仲勁過KK園，咁我覺得成香港應該要成為呢個國際詐騙之都喇。」
謝先生
宏志閣業主戴自文則表示，很開心有傳媒揭露黃碧嬌疑持有已離世業授權票：「起碼我哋街坊見到有公義存在，佢做過嘅嘢真真正正被挖出嚟。」不過他亦認為很難完全尋回所有事情的真相，只希望黃碧嬌能因自己做過的事承擔後果。戴自文早前於聽證會作供指，黃碧嬌在宏福苑大維修前曾在街站以代為申請資助為由，游說其母親「順便簽埋授權票」，戴知悉後立即趕到街站取回授權文件。