【獨媒報導】75歲的實政圓桌立法會議員田北辰，在周一（10月20日）宣布不競逐連任。他今早在商台節目中稱，初時曾欲去馬參選，惟見到其他人陸續棄選，故重新思考。田北辰提到，部分議員「我覺得佢唔會退嘅都退」，主持追問人名，他指「都唔少」，點名提到自由黨張宇人獲業界支持，亦選擇不再參選。
外界盛傳70歲以上的立法會議員，不能再在下屆參選。提名期前，陸續有「70+」議員棄選，截至周三，只餘下新民黨的葉劉淑儀及黎棟國未公布去向。
75歲的田北辰在節目指被問及是否含淚say byebye，他指「呢兩日真係唔講笑，我初初諗過自己去馬，因為我覺得我嘅勝算點都大過我嘅接班人。」「但我見到其他人一個一個係咁，我又再諗下，我係咪睇少咗我嘅手足。」田北辰稱其接班人在2023年區議會選舉所獲票數不低，而他過去四年做了不少工作，相信今屆交棒的勝算是未來八年中最大。
被問到是否被勸退，田北辰稱是因為看到年紀相若的議員的選擇，形容「我覺得佢唔會退嘅都退」。主持追問人名，他稱「都唔少嘅」，舉例指張宇人雖然「唔係最好嘅朋友」，但對方確實為業界工作不少，相信飲食界亦支持他繼續參選。
田北辰在退出新民黨後成立實政圓桌，至今只得他一名立法會議員。他指組織人丁單簿，對接班人而言如下屆選舉2029年「我又未退咁佢點呀」。田北辰稱，如能維持實政圓桌「一生不枉此行」，至於如接班人落敗組織的去向，田北辰表示未思考最壞打算，「到時先算啦」。
立法會內務委員會主席李慧琼撤回告別議案，田北辰稱「依家咪講咗囉」，相對官方紀錄「情願你哋（接受電台訪問）呢啲紀錄」。對於被形容為壞孩子，田北辰認為屬「風馬牛不相及」，「過去呢四年仲點壞孩子，以前或者有吖」，《國安法》通過後「係人都知條線係邊」。
葉劉淑儀何時棄選？田北辰稱不評論他人，只表示「對得佢住有餘」，包括2017年特首選舉給予提名予對方「得失林鄭」。