（獨媒報導）行政會議昨日同意公務員劃一加薪2.5%，公務員事務局長今午約見「四大」公務員中央評議會代表。警察評議會代表林志偉在會後發火，對加薪幅度極度不滿，要求約見行政長官李家超。他又特地解釋為何見記者，批評社會帶風向誣蔑公務員貪得無厭，「加幾多我哋無得say，始終係政府嘅決定，但千祈唔好俾人帶風向，去誣蔑我哋呢一班經歷過黑暴、經歷過抗疫嘅公務員。」
在見記者時，林志偉已質疑加幅2.5%是如何計算出來，他又指過往公務員中有不良份子、「黃嘅公務員，只係佔少數」，但不應因此抹殺公務員的努力及付出，希望大眾能公道地評核公務員，尤其紀律部隊及警察。
林志偉批評，不少人在行政會議討論公務員加薪前已講得太多，稱不願再就機制作解釋。他指該「無準則而計出來」的加薪幅度，同影響「在座咁多位記者同先生、小姐、朋友」，私人機構將參考幅度作來年調整薪酬的幅度，「影響到全港勞動階層嘅朋友」；如下年將仍有薪酬趨勢調査，亦會對調查指標有影響，造成惡性循環。
強調KPI衡量加薪幅度不可行
本身是警察隊佐級協會主席的林志偉，他強調並非輸打贏要，「話我哋係貪得無厭？但我哋只係由政府建構嘅機制裏面，去做一啲討論、我哋認為建制裏面機制裏面嘅要求㗎啫！咁叫做輸打贏要？咁叫做貪得無厭？我唔同意。」
對於公務員應以KPI（關鍵績效指標）衡量加薪幅度，林志偉認為絕不可行，「好似警察行咇，你要拉50單嘢，阻街你要告幾多架車？可想而知，如果真係有啲咁嘅 KPI，會發生咩事？你哋自己imagine 下！」他強調，不是所有商業運作模式均套用在公務員身上，尤其是部份特別隊伍，指所牽涉的計算複雜。
第一標準薪級公務員評議會：茶餐廳都加價
參與會面的公務員團體均對加幅感失望，第一標準薪級公務員評議會主席林榮松稱，對劃一加薪2.5%感到失望，指第一標準薪級公務員屬最基層員工，「有啲同事要養活家庭，加2.5%係唔夠」，同不會自動晉升，即屬單一職系公務員。
林榮松在見記者時稱，「宜家好多物價都貴，電費呀交通工具都加咗價，同埋我哋唔會話包飯食，要自己出去食飯，有啲就帶飯，好多物價都加咗，例如啲茶餐廳嘅物價都加咗兩蚊。」他強調，物價消費指數為問責官員的加薪考量，「淨係加2.5，我哋唔足夠㗎。」
紀律部隊評議會指加幅4.84%才合理
紀律部隊評議會職方主席楊儉生表示，對加薪幅度極表失望，指與會方期望有頗大落差，認為4.84%才合理。他指出，公務員自2020年起已沒有加薪，不滿當局未有按薪酬趨勢調查委員會建議作調整。他批評，當局不但未有量化其餘五項考慮因素，薪酬趨勢調查委員會亦沒有相關公司可反映紀律部隊的獨特性作對比。
楊儉生表示，過去三年的甲類物價指數累積升幅已達5.26%，基本食物及交通物價指數分別上升至7.6%及4.9%，認為公務員購買力已不斷下降，實際上如同減薪。他形容，公務員與市民共渡時艱，並一直默默謹守崗位，促當局明年一併考慮已累積的薪酬幅度作調整。