【獨媒報導】《施政報告》其中一個新猶是「部門首長責任制」，特首李家超在立法會答問大會上表示，制度並非因為單一事件或單一人而建立，又指政府效率全世界第二，等於「銀牌」，惟「三項鐵人都會有病嘅時候」，因此部門首長平日勤於管理「強身健體」，「變咗傷風感冒都少啲」。李家超又將「責任制」比喻為打仗，「我做大元帥嘅，一定係管將軍」，因為將軍如能管好士兵，「佢嘅兵都係能打仗，打勝仗」。
李家超在立法會《施政報告》答問會上指，多年來無將部門首長責任「系統化、制度化」，近日他看到社會對「一啲事件特別關注」，認為要還公務員一個公道，因此必須建立一個公平公正的制度。他強調設制度「唔係因為單一事件，或單一個人」。
胡胡混混、遊手好閒者 不應與勤勞者獲相同評分
他又指政府效率在世界排名第二，「喺跑步𥚃面，我哋係銀牌」，不過即使獲銀牌，但仍有表現不佳的地方，正如「三項鐵人都有病嘅時候」。他相信當問題出現，政府查找不足及找出責任誰屬，尤其「本來以為某個人要負責。呀！原來係另一個人」，就令事件更公道。李家超又指，「責任制」令部門首長平日都勤於推動運作效率，好比「我哋平日都強身健體啦，變咗傷風感冒都少啲啦」。
他又提醒，坊間很多人忽略《施政報告》其中一點，是要一個「賞罰分明、公平有效」的評審制度，「我胡胡混混遊手好閒，同一個成日開夜車，一定係交得好準、好好嘅，如果（評核）一樣，係唔公平㗎。」
若政策應得95分 前線勿打折「起碼做到95分」
李家超其後又以「打仗」比喻責任制，稱：「如果你去打仗呢，你一定係管將軍，由將軍管好啲將領。香港咁多公務員，如果每個部門首長都做好管理，即係我每個將軍，佢嘅兵都係能打仗、打勝仗。我做大元帥嘅，一定係管將軍。」另外，他又指如果由他和局長制訂的政策，原本可以有95分，前線部門「起碼做到95分，唔好同我打折」。
談到最後，李家超又指自己作為行政長官，要求15位司局長獨當一面：「我係做指揮，我未必好識拉小提琴，識拉小提琴嗰個，我要佢拉得最好。」他認為只要每個人都做到最好，就可以奏出最好的交響樂曲，他稱這也是「部門首長責任制」希望做到的效果。