【獨媒報導】行政長官李家超今早到立法會出席《施政報告》答問會，法律界林新強發問時提到，今次《施政報告》無畏官商勾結抹黑，積極和企業合作，共同發展社會。李家超回應時有較大反應，指「官商勾結」說法挑動社會矛盾，更是壞思想，必須予以反擊：「甚麼『勾結』呢，呢個係反中亂港嘅時候，希望社會矛盾挑起嚟嘅一啲術語。我哋就係要反對呢一種咁嘅挑撥離間，挑撥矛盾嘅一啲破壞性論述。」
在答問會上，林新強先大讚《施政報告》，再問當局會否考慮對業界提供資助及合作，培養更多不同領域的法律專才，提升經營效率和能力，配合拓展一帶一路，及創新科技、綠色金融提供法律服務等。
李家超：須反對挑撥離間 強調社會團結一致
不過，李家超在回應時就稱：「首先，剛才喺提問嘅時候提出，甚麼『勾結』呢，呢個係反中亂港嘅時候，希望社會矛盾挑起嚟嘅一啲術語。我哋就係要反對呢一種咁嘅挑撥離間，挑撥矛盾嘅一啲破壞性論述。我強調嘅係成個社會團結性一致，齊集力量，唔理你邊個方向嚟嘅，我哋只係做一樣嘢啫。只要你係擁護一國兩制，遵守《基本法》同香港法律，就係香港一個積極建港嘅力量，呢個係習主席七一講話一個重要要點。」
李家超續稱：「所以剛才XY乜嘢勾結呢，呢啲係一啲故意做出嚟，製造社會分化矛盾嘅一啲壞思想，以後都要反擊呢一種壞思想。」他重申，今次提出的土地房屋等計劃，都是為香港利益解決問題，促全港所有界別須一致、團結。
至於林新強的提問，李家超就表示，律政司司長一直關心法律界的多方面發展，是專業的推動者。
林新強承認不合時宜 但稱會繼續用
在答問會後，林新強對《獨媒》強調「我係講『唔怕官商勾結抹黑』」，認為現時的環境已不一樣，有廉政公署、立法會及傳媒作監察，認為「『官商勾結』呢個字好難做到」。被問到會否避免使用「官商勾結」一詞，林新強指：「現今社會係唔適合用，已經唔啱時宜，但我都會仲用嘅，敵人講嘅說話唔係錯嘅。」
7分鐘開場白 李家超：現時立會高質、高效
在答問會中，李家超用了7分鐘作開場白中，指香港在2019年經歷「黑暴」、港獨及外國勢力插手干預的動盪後，國家安全及社會治安均受到嚴重影響，感謝中央頒布《港區國安法》及完善選舉制度，重申香港正走向由亂到治，由治及興的關鍵時期。
他又形容，現時的立法會高質、高效，呼籲市民要珍惜得來不易的時刻，而落實《施政報告》需要議員支持。
相關報導：【施政報告】重點措施一覽