（獨媒報導）洪水橋／厦村新發展區正進行第二期工程，除了亦園村及順風圍村收地居民被勒令5月底遷出外，鄰近納入收地範圍的田心村，同獲地政總署通知本周將聯同紀律部隊入村清場。田心村陳氏原居民上周六（5月10日）向記者申訴，指由2015年起要求政府與居民溝通安置方案，曾獲地政署承諾跟進個案，一直未得到地政署及發展局回覆，惟4月下旬有政府人員未有事前溝通下，突然落村通知今個星期內強制清場，更聲稱有消息指村民準備激烈反抗，將安排20至30名執法人員入村。
村民稱多次要求政府開會討論安置
陳氏家族早於明朝祟禎3年起紮根田心村，一族四代人已定居近400年。就收地安置問題。原居民陳女士表示，自2015年已開始不斷要求與政府開會，爭取合理安置方案，但指政府部門一直漠視訴求，拒絕與村民開會。陳女士無辦法下，決定去信特首辦及中聯辦，去年6月特首辦回信，稱將個案轉交地政署及發展局跟進，同年7月4日地政署稱接獲個案，指需時研究及盡早答覆。
然而村民稱至今仍未收到地政署及發展局任何回應，他們再於去年12月去信特首辦要求加快處理個案，直至今年4月底居民突然被通知清場。陳女士稱「當我哋喺度等緊地政署回覆時，上個星期四（4月30日）突然衝嚟我哋屋企，就話下個星期要強制清場，佢係之前冇任何嘅電話聯絡、書面聯絡溝通都冇。」
陳女士
去年《施政報告》指將加速興建「北都大學教育城」，洪水橋約五公頃土地被納入計劃。陳女士表示，原規劃的公屋尚待發展，故不迫切收回田心村土地。不過她指大學教育城公布後，地政總署突通知將清場，「我哋嘅家產、我哋所有嘅人生，所有嘅嘢都喺屋裏邊，因為政府一路冇同我哋傾，冇溝通過搬遷，我哋係冇做任何嘅準備，佢而家講緊話下個禮拜要嚟拉人封屋，令到我哋突然間失去所有嘅財產，我哋嘅安居之所。」
料受影響人數過百人
另一名原居民陳先生展示一封由厦村鄉鄉事委員會發出官方信件，列出受發展影響的田心村原居民名單，包括50名男丁。他指村內受收地影響居民不少，「淨係得男丁已經有50個，你諗下我哋影響嘅家庭，其實人數起碼超過100人。」他強調村民並非要求過份賠償，只希望能夠重建。
陳先生又批評政府「拖字訣」，提及2024年6月17日曾在劉國勳議員辦事處、屏山及廈村鄉事委員會及民建聯合辦簡介會上，向官員表達落實安置補償訴求，當時獲回覆指適時再商討，「一直拖到而家，直到啱啱上個禮拜四啦。就話下個禮拜嚟清場啦，咁樣係合理咩 ？」
陳先生
陳女士補充，政府一直宣稱原居民村不受發展計劃影響，而家族範圍正是原居民村，斥「事實上我哋原居民村係有被清拆，我哋基本上係被滅族，我哋係成個家族所有土地俾政府收晒」。
村民擔驚受怕不敢上班
由於不知具體清場日期，陳女士指村民現時每日擔驚受怕，寢食難安，更不敢外出上班：「你去返工，放工返嚟你屋企可能就已經俾人哋爆咗鎖，上咗政府嘅鎖鏈，cut咗水、cut咗電，你嘅財物乜嘢都冇晒。」她曾致電各個政府部門及特首辦，要求給予居民一個合理遷出期，惟仍不獲正式回覆，「淨係話佢哋預咗有反抗，預咗激烈反抗會有警察到場」，斥政府做法並非「以民為本」。
陳女士重申一直支持政府發展，要求部門與村民對話，商討合適的安置安排，「我哋冇份冇做過激嘅反對，我哋9年以嚟約政府部門，就係想同佢哋相同一個合理嘅安排，唔阻個社會發展同時，我哋能夠有一個安身立命嘅地方」，促請政府聆聽居民聲音著實執行「先安置後清拆」，給予居民三至四個月合理搬遷期。
發展局回覆傳媒指，地政總署於2022年底已向受影響住戶發信通知預計遷出限期，並曾三次在村內張貼通告及致電住戶，亦「以人為本」將遷出時間延後至今年5月至第三季，剛收到通知的說法與事實不符。