（獨媒報導）政府上周宣布取消郵輪公海遊熔斷機制，周四起生效。香港旅行社東主協會會長葉慶寧表示，「一早就要取消熔斷機制啦，拖到宜家先至宣布，好多嘢都掹唔返啦。」他表示按其理解，啟德郵輪碼頭隔離設施將在11月約滿，料聖誕節、農曆新年或可重新啟用郵輪碼頭，但郵輪回港需時部署，促當局能主動游說郵輪公司在聖誕前調船回港，但表明不樂觀。
葉慶寧在港台節目《千禧年代》稱，郵輪必須持續運作及收客，有郵輪已轉到新加坡不斷收客，「咁嘅情況之下，要佢隻船返返嚟，佢係咪要將未來幾個月嘅booking 取消呢？咁點可能呢！」他承認，現時要求郵輪公司調船回港有一定難度，「突然間叫停一隻郵輪返嚟，都要一段時間安排。」如該公司在港沒有辦事處，更要重新設立及招聘員工，需要數月時間，表明並不樂觀。
轟政府「一直都唔肯聽人解釋」 郵輪當貨輪管理
葉慶寧指出，港府一直對郵輪公海遊採用嚴格防疫措施，如必須接種疫苗、持陰性核酸測試結果才可上船。他炮轟政府「一直都唔肯聽人解釋」，將郵輪當作貨輪營運管理，「啲郵輪咪離開咗囉，你早幾日話取消，人哋隻船點樣即時調返返嚟呢？」
他指，港人在過去一段時間不能到內地或外地旅遊，公海遊是港人外遊的折衷辦法，但本港7至8月沒有郵輪，已錯過暑期黃金機會。
另外，葉慶寧透露全球多國均向本港旅行社發信，邀請組團前往觀光，「真係好主動好急㗎，無旅客去就冇飯食，唔似得香港特區政府我哋真係好僥倖，我哋喺過去廿幾年黃金嘅歲月，有啲儲備搵到啲錢。」