【獨媒報導】香港出現移民潮，不少港人移居英國。前行會成員林奮強今日在一個電台節目時表示，談到香港的經濟及移民等問題。他指，香港有低稅率，金錢使用上有很大自由度，相反外國稅收高，甚至沒有去旅行的「自由」，相信「香港人移咗民之後，先會明白自由嘅寶貴」。
林奮強：香港大部分人唔知道稅係咩嚟
前行會成員林奮強今早接受商台節目《政好星期天》訪問，指世界的稅率都比香港高，香港更是「加極都無稅」。他舉例指，在英國每月賺約兩萬港元，需繳交40%稅，再加上20%消費稅，只有很少錢可以「袋落袋」，相反香港即使要交稅，大部分人最多每月交數百元。他更笑稱，「香港大部分人唔知道稅係咩嚟」，又指「如果我反戰，我都無得叫個政府擺落教育醫療，唔好擺係戰爭個到」，而外國人因把所有錢拿去交稅，無錢去旅行，見識比香港人少，相信「香港人移咗民之後，先會明白自由嘅寶貴」。
林奮強（中）（商台圖片）
形容去年是「天煞之年」
林奮強形容去年是「天煞之年」，全球遇上百年未見的大變局，如西方的發達國家出現未見過的高通帳率，美國不足一年加息5厘，而內地經濟亦四面楚歌，中美關係持續關張。不過，林奮強指，香港在夾縫中卻找到機遇，例如中美關係持續變化，令不少內地公司來港上市，亦有在外國生活的中國人想回流國內，會選擇到香港居住「適應」環境。林舉例指，「一啲三十幾、四十幾歲，有細路啦，如果真係要限住佢哋打3個鐘頭機，啲細路仔無晒朋友，啲太太仲陰公，佢係屋企棍上開Netflix 睇，返到國內係Netflix睇，咁點搞呢？於是乎將成個家由西方國家放去中國嘅話，第一個最容易適應係香港啦」。
林奮強又指，香港的治安比西方國家好，「成個氛圍，你自己覺得係安居樂業嘅哋方嚟㗎」，又稱曾接觸多個在海外留學的學生，「過去兩、三年，差唔多個個人都被人打劫過，係100%」，在外國亦受到當地人歧視，被認為黑髮是「好恰」。
資料圖片
對於政府近日積極搶人才。林奮強表示，雖然香港人才減少，但香港的大學不是沒有吸引力，在泰晤士世界大學排名，香港5所大學進入全球前100名。林奮強以倫敦政治經濟學院為例，「佢做到咁好，梗係為7千萬（英國）人做，但香港做得咁好嘅學校係為7百萬人做㗎喎，咁你諗下7百萬人做嘅嘢，同7千萬人做嘅嘢，都可以match 到佢，如果我哋做大灣區有7千萬人嘅話，我哋啲學生係世界級，教授都過頭啦」。
稱不應再要求政府派錢 「特首話要搶人才，搶企業係啱㗎」
財政司司長陳茂波將於周三（22日）發表首份財政預算案，林奮強指，政府在疫情期間派錢作支援，動輒一半庫房，現僅剩餘7千幾億儲備。他認為市民不應再要求政府派錢，「我哋派咗己經盡咗責㗎啦，我哋而家要賺錢，所以特首話要搶人才，搶企業係啱㗎，有個急切性係到」。林雖形容「（香港的財政儲備）係全世界最叻個嗰嚟㗎啦」，但政府應避免出現財政赤字及靠借貸度日。