【獨媒報導】發展旅遊熱點工作組日前公布9個項目，康文署將在金鐘添馬公園大量種植紫花風鈴木，預計在1、2月開放，另會種植勒杜鵑，預計在3、4月及10、11月開花。政務司副司長卓永興稱，目標是種得「夠密」、「出嚟有氣勢」，「夾埋一樣有鮮花怒放嘅情況」：「造出嚟好似一條大道，兩邊都係紫花風鈴木，去影相呀盛，好漂亮。我諗都要70、80棵一定要有，種到得多啲就種多啲。」至於勒杜鵑，卓永興則表示可以種植1,000棵，「大家可以想像有新氣象」，在花期期間遊覽維港是賞心樂事。
資料圖片
稱舊警署門外打卡是「門外漢」 開放後體驗將完全唔同
卓永興今早在商台節目表示，9項旅遊熱點的共通點是吸引力高、好有港味及打卡性高，相信在旅遊新常態下能夠「照顧得到」。9個項目包括開放舊油麻地警署，主持先問卓永興會否同考慮開放廉政公署，他指公署現時設有咖啡店，「都係已經可以去得到」。
卓永興指出，外界對舊油麻地警署的反應不俗，指現時已有不少旅客在舊警署門外打卡，形容是「門外漢」，而項目重設報案室、開放羈留及播放電影等：「嗰個體驗完全唔同，差不多等如話俾你喺飛機上面影張相，同我放你入去駕駛艙咁樣去比較，係好新嘅體驗嚟。」
卓永興（政府新聞處圖片）
卓永興透露曾與無綫有接觸 重申「已搭咗個台」
主持再追問卓永興，政府會否和無綫電視合作推出導賞團。卓永興先指出，9個項目包括香港工業品牌旅遊，「其實嗰個台就搭咗」，當局今次揀選的品牌均在將軍澳創新園內，已拆牆鬆綁可作商業性遊覽，包括釐清符合規劃要求，及獲得科學園公司支持，「傾埋點樣用簡單申請方法俾到租戶做呢個工業旅遊」。
至於與無綫電視合作，卓永興重申「已搭咗個台」、「佢做唔做有佢嘅商業考慮」：「你問我，我覺得係吸引嘅。對於海外遊客、內地遊客都有相當吸引力。」在主持追問下，卓永興透露「我哋有接觸嘅」。
政府新聞處圖片
維園市集體驗本地文化 部分檔攤設素描
另外，康文署將在維園舉辦名為「品味藝墟」的市集，不同節日將有不同主題。卓永興指市集可以體驗本地文化，較著重文化創意，部分檔攤將會畫畫、素描，及售賣文創產品：「唔係一般好商業性嘅市集。」他指維園四通八達、舉有代表性，希望能同時平衡部分公園使用者作跑步、伸展：「有返30檔，如果質素好，都會有一定吸引力。」