【獨媒報導】至尊沙田周六出戰高級組銀牌第一圈賽事，，在香港仔運動場0：1不敵理文出局。至尊沙田班主兼球員王至尊今場後備登場，他賽後提到球隊的近況。《獨媒》追問王至尊是否與郭嘉諾理念不合，他表示「唔可以咁講」，認為球隊「班底就係咁」：「唔差嘅，老實講。大家可以話充數乜嘢，但今日展現咗出嚟有競爭能力。」至於聘請新任主教練的進度，王至尊指在與郭嘉諾解約前已有數名其認為合適的人選，「唔係貿貿然決定」，並透露已多達30人提交履歷表，自己現正處於深思熟慮的狀態，已要求應徵者就球隊如何作出改變提建議，並表示將不遲於周三作決定。
至尊沙田在港超聯錄得三連敗，並與原任主教練郭嘉諾解約，引起球迷爭議。在今場比賽後，王至尊表示，球隊三連敗的責任不在郭嘉諾：「大家都知嗰責任唔喺郭Sir度，喺全隊波身上，所以士氣其實無影響，責任就係喺大家度。」他認為，即使至尊沙田今場不敵理文，但已告訴球迷「我哋係一隊special嘅球隊」。
王至尊解釋，至尊沙田作為升班馬，不論場內、場外都希望為港超聯帶來新衝擊：「今日隊波嘅拚搏同士氣，話到俾大家聽，我哋係有得踢，我哋唔係一隊等降班嘅球隊。」
對於球迷質疑至尊沙田僅四場比賽便易帥，王至尊稱作為班主，不想討論球隊戰術，但認為正好把握國際賽期作出改變，因為新任主教練亦需要時間認識球隊：「呢個Timing 對球隊最正確。」
否認與郭嘉諾理念不合 已接30人履歷表
《獨媒》追問王至尊是否與郭嘉諾理念不合，他表示「唔可以咁講」，認為球隊「班底就係咁」：「唔差嘅，老實講。大家可以話充數乜嘢，但今日展現咗出嚟有競爭能力。」他強調上場對九龍城雖然落敗，但同展現出競爭力：「純粹左手係雞蛋，右手係雞蛋，選擇一個比較多雞蛋嘅位置，同我同郭Sir一啲關係都無。」
至於聘請新任主教練的進度，王至尊指在與郭嘉諾解約前已有數名其認為合適的人選，「唔係貿貿然決定」，透露有多達30人提交履歷表，自己現正處於深思熟慮的狀態，已要求應徵者就球隊如何作出改變提建議，並表示將不遲於周三作決定。
《獨媒》追問應徵者是否包括外籍教練，王至尊稱「兩邊都有睇」：「Keep my options open，審視一下有啲咩適合球隊嘅選擇。」
何文輝今場不入比賽名單 王至尊指是重要球員
針對今場賽事，《獨媒》關注至尊沙田改為起用黃梓豪把關，何文輝更不入比賽名單。王至尊先重申，不認為上場的最後一球失球完全與何文輝有關，指安沙、梁立天亦要負責任：「又話縮咗去後邊踢，又俾人太容易斬波，其實兩隻邊又有份，所以我唔認為係何文輝嘅問題。」
他表示，至尊沙田今場在場區已有6名外援，所以何文輝未有進入比賽名單，「多咗隻鬼對隊波都有幫助」，強調該名澳門守門員對球隊重要。
10.1公布西班牙21號球員加盟 另已簽入2名球員
《獨媒》又問到「西班牙21號球員」的進度，王至尊稱將在10月1日公布，「基本上解決晒所有文件上嘅嘢」，另表示在其他位置亦會簽入2名新球員，1人為外援，另1人則「唔知算唔算本地」，將在餘下中秋節假期及國際賽期期間公布。
王至尊表示球隊「個餡喺度」，惟要作出「細執」：「啲人個個鬧或者乜嘢，但責任都係我，我選擇郭Sir，但我俾唔到啱嘅嘢佢，呢啲都係我問題。」他又表示，自己會欣然接受所有批評。
下周與創始會員首次會面 王至尊：將最誠實意見分享
《獨媒》再問到王至尊，今場後備登場踢銀牌的感受，他稱在入替的時候，滿腦子只想追回一球，「好可惜入唔到」：「我係戥球隊好開心嘅，但都係嗰句，輸嗰個波係可避免，呢啲係經驗問題，我覺得嗰啲位係要汲取教訓，球員都知。」
至尊沙田下周一將舉行創始會員的首次會面，王至尊自言作為全球兼全亞洲唯一的球員兼班主，會繼續做自己，將其最誠實的意見分享予會員：「啲人都鬧你乜都擺上網，你係咪痴線㗎，但我覺得呢啲就係我想要嘅透明度。」
他承認或者「有啲人唔鍾意」：「但我覺得，我搞波講真攞嚿錢出嚟，為咗啲咩啫？就係為咗香港足球。嗱，呢個就係我，我透透明明俾大家睇，你鍾意我嘅就讚我，想X我就X我。無所謂嘅，呢個就係我想行嘅方向。」
稱與下任主教練解約亦會拍片
王至尊表明，即使與下任主教練解約，亦會照樣拍攝短片發布到社交媒體：「未來都係咁，可能下個教練我哋要炒，可能兩個月之後，歡迎大家繼續鬧。大家下個可能會好respectful，因為郭Sir真係好專業、respectful我哋嗰conversation 好和諧，無hard feeling，純粹職業足球就要係咁。」
他最後提到，即使今場只是銀牌首圈賽事，至尊沙田今場的球迷亦較理文多，「我都對得住支持我嘅球迷」。