【獨媒報導】港超聯新貴至尊沙田今日舉行季前記者會，早前有報指前主教練盧均宜疑涉「打假波」案，遭廉署調查，事後亦遭球會停職。被問到最近有否與對方聯絡，了解近況，班主王至尊表示：「冇呀，都係維持返原本個情況，直到有進一步消息，我哋先再睇吓下一步點做。」惟他坦言事件影響球隊備戰，部份事情有延誤：「感激團隊同大家好努力，希望呢個記者會俾大家見到我哋係準備充足。」
集班主兼球員於一身的王至尊先後與盧均宜在公民及至尊共事﹐帶領球隊奪冠﹐並於今季升超。王至尊今年5月更已敲定由前香港足球先生盧均宜出任至尊主教練。不過廉政公署在今年7月進行打擊「打假波」行動，拘捕19人，有報導指盧均宜亦牽涉其中。球會之後發聲明將他暫時停職，主教練一職最終落在郭嘉諾身上，助教則為林嘉緯與陳文輝。
另外，王至尊於甲組賽事亦不時落場，今季亦為註冊球員，被問到是否想改變本地對「老細足球」的固有印象，他就指過去的表現與現時工作已反映「老細足球唔一定係咁」，希望在港超聯再次證明給大家看。他指自己出錢出力「明白嘅人自會明白」：「自己問心無愧，做好自己，最緊要嗰樣嘢。」
對於本地球隊不時因資金不穩定而降班或散班，王至尊指會盡做，但強調：「呢個係商業社會，唔係講話啲乜嘢，但所有嘢都有個限度，我希望就事事順利啦。」