【獨媒報導】民建聯周浩鼎早前在選舉論壇中斥田北辰為「二五仔」，一眾候任立法會地區直選議員今早見記者，田北辰在記者會上還拖，不點名批評周浩鼎，「我發現無論選舉制度點改都好，人嘅本性好多時唔會變⋯⋯有啲所謂自己人呢，知道手握黨嘅鐵票，一定都會高票當選。為咗做票王，就搞啲扣帽子玩泥漿摔角，都係用以前一啲對方招數。」
周浩鼎：過咗去嘅事就過咗去
田北辰表示，憂慮中央的良性競爭並沒有出現，呼籲當選的90名議員在未來作討論的時候，「切記對事不對人，唔好畀名唔好扣帽子，絕對無助我哋團結同齊齊監察政府。」
記者問周浩鼎對田北辰言論有何回應，他只表示「過咗去嘅事就過咗去，未來大家聚焦向前望。」
言出驚人其間 民建聯成員目瞪口呆
在田北辰言出驚人其間，民建聯鄭泳舜、李世榮、陳學鋒和顏汶羽等人均目瞪口呆，鄭泳舜更凝視田北辰長達至少半分鐘。
民建聯在地區直選中派出十人參選，並成功全取十席，周浩鼎在新界西北的得票更高達93,135票，田北辰得40,009票以第二名入局。
田北辰發言時先作總結，指其獲得的選票為建制派的三成，「我本人話梗係想增長，但經歷呢兩年咁多風雨，啲人話呢個基礎會無晒，但事實又唔係，只要有市民認同呢個路線呢，都會繼續努力嘅。」