【獨媒報導】明光社總幹事蔡志森早前撰文，質疑政府未有公布禁書名單是濫權及破壞法治精神，指書店店員和老闆沒能力看完每本書，認為出售未被法庭裁定觸犯法例的書是正常的事。保安局局長鄧炳強今日回應時再次強調「不會有禁書名單」：「有啲人，特別犯法嘅人就好想，喂，你俾個禁書名單我呢！原來我本書係禁嘅，我改咗個名，你咪奈我唔何囉。我可以再講一次，唔會有禁書名單嘅。我睇係睇你嘅內容，你唔好以為你改咗個字呢，就會走得甩，我係唔會便宜呢啲犯法嘅人。」
鄧炳強今早到港台出席節目，講述皇崗口岸港方口岸區，將在周六舉行第二次大型演練和反恐及重大事故演習。他在節目後見傳媒，記者問鄧炳強關於蔡志森早前的言論：「佢講啦，唔可以用啲一啲莫須有嘅罪名打壓言論自由，又唔係大聲就有道理，你自己點睇佢嘅講法，你會點樣回應？」
對於禁書問題，鄧炳強再次強調「不會有禁書名單」：「有啲人，特別犯法嘅人就好想，喂你俾個禁書名單我呢，原來我本書係禁嘅，我改咗個名，你咪奈我唔何囉。我可以再講一次，唔會有禁書名單嘅。我睇係睇你嘅內容，你唔好以為你改咗個字呢，就會走得甩，我係唔會便宜呢啲犯法嘅人。」
港台截圖
被問「釘死論」 鄧炳強：我係針對所有人
另外，該名記者又提及，鄧炳強早前就記協選舉時表示，假若有組織涉及重大國安罪行，「一定會釘死佢哋」：「想了解吓暫時，對於呢啲機構有冇一啲證據，搵到佢哋涉及國安罪行，會唔會採取行動？」
鄧炳強回應時稱「我想講返清楚」、「我係針對所有人」：「所有人如果係想危害國家安全，勾結外部勢力嘅話呢，我係必然會嚴正執法，一定係會採取執法行動嘅，呢個係冇懷疑嘅。亦都係喺度再一次警告任何想危害國家安全嘅人，想勾結外部勢力嘅人，想煽動嘅人，我一定係會用盡我嘅方法將證據搵出嚟，有證據就拉你，有證據就告你。」