（獨媒報導）候選人資格審查委員會就選委會選舉裁定二人資格無效，包括熱血公民立法會議員鄭松泰，即時喪失立法會議員資格。對於之後會否捲土重來再選立法會，他坦言「好難講」。現時37歲的他又指自己「唔係睇得咁死」，「我仲有幾年40歲，將來香港特首可以選舉，我又入到閘嘅話，咁我幫到香港人，其實我唔排除選特首，係咪先？」政務司司長李家超已確認，鄭松泰在5年內不得參選，即鄭最快可參選2027年的行政長官選舉。
鄭松泰表示，在下午約4時收到選舉事務處的通知信，指其當然委員資格無效，直接影響其現時立法會議員資格，以及不能參與12月第七屆立法會換屆選舉。他形容做法「有少少怪」，是以現行決定 DQ 去年延任的選舉議席，質疑違反法例及憲政安排，但會尊重資審會決定。他又稱現時情況諷刺，「我係有份審議呢條條例，但宜家 DQ 咗自己，係呢個位有少少棘棘地」。
被問及資審會的問題，鄭松泰指有保密協議，不便逐一交代，但就稱問題「唔係單純一、兩張紙」，而是厚達一厘米的文件。問題範疇包括是否忠誠愛國、有否盡憲制責任保障特區權益，及言論是否與外國勢力有關；引述內容亦涉及過去言論、參與論壇、著作、倒插國旗區旗案及2019年七一佔領立法會。鄭松泰強調「梗係覺得符合資格」，又指「如果將來議會係容納到類似何君堯呢啲人，咁我唔認為我唔符合愛國愛港資格囉」。
資審會不設上訴機制，鄭松泰亦指在法律上「冇嘢可以跟進」及意義不大。他稱政治不只得參選，又認為不一定在立法會制度下才可為香港貢獻。
熱血公民現時仍有兩名區議員，即大埔區黃兆健及元朗區王頴思。被問及熱血公民會否再派人參選12月立法會選舉，鄭松泰稱要「返去問一問手足」，「要視乎我哋嘅手足或者成員會唔會係……我唔係吹捧自己，同樣有我咁嘅承擔囉」，但重申不會視政治只有參選。
最後他鞠躬感謝一直支持熱血公民及自己的市民，「係嘅，冇辦法繼續喺議會到同大家講句公道說話，係有啲可惜」，並相信如要建設香港，總會找到可以發揮的空間。