（獨媒報導）已有逾十年歷史的香港同志遊行，今年續因限聚令無法舉行，活動改於工廈以彩虹市集「Rainbow Market」舉行，主題為「相約別離，同見未來 Stay in love」，市民需排隊進場。有參與活動的女同志擔心中國加強對同志的打壓會影響香港：「難保會唔會有一日拖住女朋友出街會犯法」，而香港離同性婚姻合法化亦漸行漸遠：「中國突然一嘢插埋嚟，你又會覺得依件事好似遠咗好多。」
今年香港同志「遊行」主題為「相約別離，同見未來 Stay in love」，市集於觀塘The Wave舉辦，設有多個攤檔售賣同志手作、飾物、彩色糖果等，市集亦邀來本年度香港同志遊行彩虹大使周華山博士及導演雲翔、去年彩虹大使藝人小肥作嘉賓，帶領進行高舉彩虹旗予參加者穿過的「Rainbow Shower」。市集一度排長龍，至下午5時，仍有逾百人排隊等候進場。
中國打壓同志 擔心香港受同樣對待
阿津與女朋友Nile到彩虹市集，曾出席同志遊行的阿津坦然氣氛與以往不同：「冇咗嗰種大家一齊好強烈爭取一樣嘢嘅感覺」，阿津已告訴父母是同性戀，意外地父母反應平靜，而父親更因為她有女朋友照顧而感到開心， 「佢哋唔會因為依個身份（同性戀者）而唔愛我」。她提到有些人會勸她異性戀的愛情路會較平坦，但她不能勉強自己：「我寧願堅持做我自己，而唔係去迎合其他人，做唔係我自己。」
Nile、阿津
中國最近加強打壓同志，多個LGBT學生社團微信公眾帳戶遭封鎖，令阿津不禁擔心香港亦受到同等待遇：「政權令人擔心有一日冇得拖住女朋友出街，難保會唔會有一日拖住女朋友出街會犯法」，她續指當台灣在2019年通過同性婚姻法後，令她覺得香港離同性婚姻合法化亦不遠，她嘆：「中國突然一嘢插埋嚟，你又會覺得依件事好似遠咗好多，中國唔會畀你做佢唔想嘅嘢。」
市集取代遊行 團體：搞到遊行邊個唔想搞？
關注性工作議題的民間團體「午夜藍」以往均有參與同志遊行，總幹事阿健直言改以市集形式舉行是一種妥協 ，他嘆：「搞到遊行邊個唔想搞？」，他解釋市集形式未能將同志的訴求擴散至同温層外，不同性小眾的群體以往會透過同志遊行，奇裝異服，讓自己被大眾看見，「午夜藍」亦在沿途派發傳單予公眾，但改以市集形式，本身對LGBTQ沒有認識的人不會特意排隊參與市集。
午夜藍總幹事阿健
同志不奢望得到父母支持：唔反對就夠
插畫師魚生在市集售賣自己設計、以男同志為題材的明信片、文件夾等，他笑言：「我鍾意仔咪畫仔，鍾意睇咪一齊睇」，他指香港相對日本、韓國較少以此為題的漫畫。魚生的親戚能接受他是同性戀，但在父母的言談中得知他們不能接受，魚生有段時間經常晚歸，令其父親「好驚佢出去搞Gay」，令他一直不敢與父母出櫃：「我今日都係瞞住佢哋出嚟」，他指不奢望父母支持他：「唔反對就夠，唔需要支持」，望到經濟獨立，可與父母分開住時才告訴他們。
插畫師魚生
