【獨媒報導】今屆香港同志遊行第2年以彩虹市集形式舉行，主題為「持續心跳 同待破曉Stay Pride, Live Proud」，今年由編劇莊梅岩擔任彩虹大使，她表示近兩三年社會處於困難時刻，很多人離開及被捕，認為平庸的自己亦可支持同志運動，期望疫情後可以再辦同志遊行，「我都明咁講，啲人會覺得好鬼天真，我自己覺得，尤其係爭取權益方面，如果理念係純粹嘅，理念係好嘅，都應該天真地支持。」
莊梅岩提及社會運動
今年由編劇莊梅岩擔任彩虹大使，其編劇的同志舞台劇《我們最快樂》於近日上映。莊梅岩在宣誓儀式時直言獲邀擔任大使時，覺得自己不夠名氣及代表性，沒有資格擔任大使，但明白即使自己平庸，亦可支持同志運動，「當我聯想返依兩三年發生嘅事，好多人離開，好多人被捕，好多人喺困難之中嘅時候，調返轉頭，我都明白平庸如我，作為社會嘅持份者，雖然我唔係member，但作為社區嘅一個成員亦都係share同志遊行嘅理念，即使喺我仲係好無知同平庸嘅時候，我覺得我都可以用我自己嘅空間去繼續支持佢哋。」
編劇莊梅岩
莊梅岩望以遊行形式進行同志遊行
莊梅岩認為最好是以遊行形式舉行同志遊行 ，因為遊行可接觸更多公眾，更能表達訴求。她續指，過去同志遊行皆十分和平及得到人尊重，「我都明咁講，啲人會覺得好鬼天真，我自己覺得，尤其係爭取權益方面，如果理念係純粹嘅，理念係好嘅，都應該天真地支持。」但她強調再次以市集形式舉行，為無辦法之中的辦法，「始終喺香港仲係好沉迷防疫措施，所以我係好相信宜家一定會用防疫原因去阻止佢哋。」
她期望疫情後香港有上街遊行的權利，被問到是否還有機會舉辦遊行，她認為在疫情後要再申辦遊行：「我覺得依個唔係違犯法例，我會覺得唔好諗有冇機會，而係要爭取繼續。」
政府對同志態度倒退
莊梅岩為同志舞台劇《我們最快樂》做了不少資源搜集，她表示香港的同志運動雖然比外國遲，但慶幸有人公開發聲，她又嘆同志聲音近年被縮小：「我只係覺得隨著依兩三年，社會運動後續嘅打壓或者政治氣氛，係有令到一啲爭取權益、或同內地主流唔同嘅聲音，係會有壓力。」
對於政府對同志持保守態度，莊梅岩批政府比以前倒退：「我覺得以前冇咁白痴，以前政府知道咁樣唔文明、好難睇，係會好柒出國際」，惟政府現時不在意國際的看法，與文明脫軌，她斥多名建制派議員批評同志：「其實依啲咁無知嘅行為，都應該被檢舉出嚟，係影響緊國家嘅形象。」
第3年無法以遊行及集會模式進行
香港同志遊行自2008年開始每年於香港舉辦，惟受疫情及社會事件影響，同志遊行第3年無法以遊行及集會模式進行，今年第2年改以彩虹市集形式舉行。
籌委Cuby 在宣誓儀式中提到性小眾爭取平權的路途有順有逆：「到咗今年，我哋又係市集見面，可能比較容易，可能唔再容易。」
