【獨媒報導】行政長官李家超昨日（25日）指區議會檢討已進入最後階段，表明將會「去政治化」及「有多種方式」選舉。民建聯立法會議員陳勇今表示支持改革，指區議會要「排毒」，又以奧運會作比喻，認為將來區議會要吸納不同人士「均衡發展」，「係咪應該有更多綜合項目？有人游水叻，有人跑步叻，有啲人可能跳高跳遠，都可以喺裡面。」
李家超昨日表明區議會仍值得保留，但需「去政治化」，而選舉則「有多種方式」並保留一定「選舉成份」，議席數目與現屆相若。港區全國人大代表、民建聯立法會議員陳勇表示全力支持區議會改革，認為區議會必須「追本溯源」，區議會的組成必須依照《基本法》的職能定位，即只是政府諮詢角色。
指區議會要「排毒」
有傳區議會將恢復委任制，曾兩度獲委任為北區區議員的陳勇形容是「優化更新」，並指2019年區選建制派大敗是「痛苦記憶」：「當時有啲黑暴分子、恐怖分子同埋勾結外國嘅港獨人士綁架區議會，好好哋將佢搞禍咗。」他又提出「排毒論」，稱要根除區議會過度政治化及民粹化：「等於一個人中咗毒，就要排毒呀嘛，恢復返佢之前嘅健康。」
陳勇之後又大談區議會「康復」之路，強調要「均衡發展」回到初心：「你追求健康體魄嘅時候，過份肥或者過份瘦都係有害，或者非常高，好似何俊賢議員咁，或者比較矮，好似我咁樣，呢種相信都唔係大部份朋友追求嘅最均衡發展。」
稱區議會應似奧運有不同項目
他又以奧運會作比喻，指區議會要吸納不同人士，才能「回到初心」發揮更大價值：「以前可能就係單項，即係你游水好叻、跑步好叻，咁你攞第一啦，但大家最想睇奧運會嘅時候，你咪返去正軌優質民主、均衡發展。係咪應該有更多綜合項目？有人游水叻，有人跑步叻，有啲人可能跳高跳遠，都可以喺裡面。」
被問到區議會的直選議席減少會否影響民主成分，陳勇稱立法會因2019年亂象完善了選舉制度，由功能組別、選委會界別及地區直選的組合，從結果見到優質民主更進一步、議會良性互動，相信地區亦會如此。