【獨媒報導】國際信用評級機構穆迪將香港信用評級展望由「穩定」下調至為「負面」，政務司司長陳國基今早在電台節目表明完全不認同，斥穆迪無理及抹黑香港，指西方國家及機構一直欲透過抹黑，以壓制中國發展。陳國基呼籲外界要認清真相：「以美國為首啦，呢啲西方一直搵緊機會係抹黑香港，抹黑內地。」
陳國基今早出席新城電台節目訪問，斥穆迪抹黑香港：「穆迪呢啲咁嘅外國評級，其實一路都係抹黑香港，我覺得。」他質疑對方的理據既然是內地經濟有問題：「但點解降埋香港呢？」
指內地經濟與多國有關連 反問「係咪降晒全世界」
穆迪周二已將中國的信用評等展望由「穩定」下調至「負面」，昨日再將香港的信用評級同下調至「負面」，指本港與內地之間的政治、制度、經濟和金融聯繫均十分緊密。陳國基認為，內地經濟與多國都有關連：「中國佢嘅貿易唔係淨係同香港，同全世界都有，你係咪降晒全世界嗰啲（評級）呢？呢個唔啱道理㗎。」
對於報告指《香港國安法》及選舉制度的改變，令香港的自主權受到侵蝕。陳國基不同意，指如要安居樂業、住得舒服，「間屋都要安全先得㗎」，「完善」選舉制度、《香港國安法》及《基本法》第23條立法是用作防盗：「出面真係有好多賊㗎噃，你睇吓美國呢啲又講你呀，個個都等緊機會嘅！」他再三重申，國家安全對國家及本港都十分重要。
陳國基：本港吸收力不減 專才申請來港超預期
被問到香港對跨國企業的吸引力是否已減少，陳國基不認同，指當局早前進行招商引資，30間跨國企業欲來港擴充業務、設立總部，另當局提出的「搶人才」計劃，在今年首10個月各項計劃已有逾18萬宗申請，較預期為多：「呢啲所有專才優才，佢哋係好有知識嘅專業人士，佢哋對香港都係有信心，咁點會係好似同穆迪嘅評級呢？」
至於樓市及股市顯得疲弱，陳國基認為在「完善」選舉制度、《香港國安法》，及《基本法》第23條在明年內完成立法，本港整體安全受到保障：「間屋日日有人嚟偷嘢，日日都有人嚟搶嘢，你點可能講到經濟發展、改善民生呢？呢啲完全係空談嘅。」
陳國基引用國家主席習近平的話，強調本港經濟未來必然要融入國家發展大局，包括粵港澳大灣區、一帶一路：「東升西降呢個格局，都好明顯吓。」他相信中國發展好的話，「香港唔會差得去邊」。