【獨媒報導】三度參選「完善」前的立法會選舉的陳玉娥（娥姐），繼2021年擬戰立法會選舉、惟欠足夠提名後，今年欲再挑戰「完善」後的區議會，惟她很大機會再次止步於提名關卡。陳玉娥今日舉行記者會「告急」，慨歎縱然有街坊支持，但等「三會」成員提名如「等運到」，公開呼籲三會成員「可唔可以畀一個機會我，幫我提名入閘」。
2016年及2018年，陳玉娥兩度在立法會選舉「新界東」選區參選。2021年，她欲再次參選，但因新制下入閘需取得10名選委提名，結果行人止步無法入閘。
2016年立法會選舉，當時的當選人公民黨楊岳橋與陳玉娥合照（資料圖片）
指街坊遊說參選 陳玉娥：我都有返咁上下
陳玉娥擬「轉戰」區議會選舉，不過再次遇上提名困難。她今日在「告急」記者會上表示，其居住的天水圍天頌苑街坊希望她參選，稱業主大會後「個個企晒喺門口，氹氹轉圍住我：『娥姐，娥姐你快啲參加區議會選舉啦！』」因此決定參選，並已獲逾100個選民提名，笑言「能夠咁短時間攞到過百，我覺得自己都有返咁上下。因為我唔似佢哋，佢哋已經籌備咗好耐，我唔係。」
陳玉娥指自己2015年起住在天頌苑，一直在背後服務屋苑，「類似人哋講笑，係咪守護神呢？比較神化啲咁去講，去守護住呢個屋苑，服務居民、街坊。」她形容自己如「幕後英雄」，曾爭取輕鐵751線全日雙卡行駛等：「今次參選就係同街坊做返互動，同返街坊講，過去8年好多大事，或者小事，都係我有分幫手，特別係啲大事，大事係我做。」
形容閘外等運到「好閉翳」
不過參選仍需9名「三會」成員提名，她指自己只認識數名「三會」成員，「我淨係分區識啲，識好少咋。防火、滅罪，呢啲人唔多識。」現在亦只有數名成員表示考慮是否提名她，陳玉娥指：「爭取三會提名真係困難，我而家仲係企喺閘外面，等運到，真係好閉翳，而家目前形勢真係唔係好樂觀。」
稱民政處拒覆三會成員資料
她指自己傳送了幾十封電郵給不同「三會」成員，「審視返我而家情況，咦……好似有啲落空」，於是決定「嗱嗱聲」開記者會「告急」。「我喺呢度公開呼籲全港，可唔可以畀一個機會我，幫我提名入閘呢？我好懇請三會嘅委員，可唔可以打我手提電話去聯絡我本人？」她慨歎過往立法會選舉自己「第一個衝入去報名，但而家我好似⋯⋯遲遲都入唔到，企咗喺門口。」「我攞晒地方提名，那又如何？因為我未有三會提名。」
她又指曾要求民政處向她披露「三會」成員資料被拒，「你唔畀我點搵佢？我搵唔到佢，得個名有鬼用。你畀個電話、地址我得唔得？有電話地址最好，快啊嘛，直情衝上佢寫字樓。」
資料圖片
指政府改規則必有因 自己只能跟隨
被問到如何評價「完善」後的區議會選舉，陳玉娥指「我梗係當然希望冇（「完善」）啦，因為你閘住我。如果冇我已經報咗名啦，今日使乜坐喺度？」但她稱明白政府有其原因，自己只能跟隨新遊戲規則。
已宣布參選「天水圍北」選區直選的有報稱政治素人的劉雅泉及工聯會姚國威，陳玉娥表示不認識劉雅泉，姚國威則較出名，相信對方有勝算。
其他選舉事務處已接獲提名的候選人見此。