photo by @kenneviaphotography
「喂，你去咗睇試當真嘅舞台劇未啊？我禮拜日去咗睇，不含劇透，佢呢今次⋯⋯，你一定要入場睇啊，總之你一定要睇，你唔睇你一定會後悔，朱康佢真係一個演員，caca都係，佢係靚啦，仲有嗰個我又唔講得⋯⋯」，有啲場次仲有飛，你會唔會睇啊？
作為 #Fo毛，今次張飛係free mint翻嚟嘅，所以我一個人毒毒去睇，我仲抽中咗同演員近距離見面添，開心！
因為平時唔會點睇舞台劇，加上本人文化修為有限，所以今次呢個po唔係劇評嚟，只係一個普通認真毛睇完嘅感言（不含劇透）。
photo by Carmen So
我覺得佢哋今次嘅舞台劇劇本寫得幾好，啲劇情唔會拖泥帶水，回憶方面都設計得好好，睇完就會明之後發展，同埋理解之前啲角色點解會咁選擇。幾個演員都做得好好，朱柏康同郭翠怡兩位好有經驗嘅演員，佢哋演出嚟嘅情緒帶動到成個氣氛，而幾位試當真演員都接得好好，嬲個陣係真係可以感受到啲張力。佢哋嘅演技令到我都感受到佢哋嬲嘅原因，笑位都唔少，睇吓睇吓唔經唔覺就完咗場。有個角色登場個陣好驚喜嘅，同埋成場係有兩個「吻」出現咗，大家係會嗌出嚟個隻。之不過我坐得太前條頸有啲攰同埋唔算睇到太多舞台效果。
今次係試當真phase2嘅一個新嘗試，好似導演話齋呢啲都係創作嚟，同埋希望之前NTR嘅計劃可以令到更多唔同種類嘅創作出到嚟啦。不過，最緊要嘅都係你同我都會支持呢啲創作，無論係電視、電影、舞台劇、youtube都好，本地創作者都需要大家嘅支持。
呢次舞台劇最尾嗰句台詞令我好深刻（唔知有冇記錯）：「喺呢個地方，大家好多時都會唔記得咗嚟嗰陣嘅原因係咩，但搵翻之後，大家都係繼續行落去」。
#認真毛
#創作係帶畀大家活著嘅勇氣
#多謝你
#收皮啦油殼手
#上年miss咗live #今年補翻