視覺效果、故事表達手法都難以超越第一集。縱使 imdb第一集7.5/10; 第二集是 8.1/10。但我對8.1分有保留。
好少電影第二集都好睇 除了Terminator 2、魔戒雙子塔美國隊長2英雄內戰，所以Dr Strange2難超越第一集是可以理解的。
其實故事唔算重複卡通，因為以Wanda（緋紅女巫）入魔對戰Dr Strange為主線。Wanda追捕一個會多元宇宙穿械的異能女 America；而Dr strange2就保護她。如果係追殺連場，始終占士甘馬倫T2好睇好多，差唔多無喘息空間。但Dr2係咁解古，就有啲悶場了。
Dr strange 2點會好睇啲呢？佈局釣耐啲等我地估Wanda係奸與否會引人入勝多。太快開故係敗筆。
其次，途中太多解話𠲖㗓哦哦。節奏太慢了……
論故事深度，深討人生善惡問題無 batman咁深；但又無Batman咁悶。
Dr Strange 2重有嘜問題？ 開第三眼有幾勁又唔解釋；邪版開三眼都打輸咁開三眼做嘜？（當然拉到古埃及，特異功能、甚至moon knight就好多野講，但不在此談手）同埋big boss唔係奸dr strange？我反而有啲失望，我等緊電影點表達what if某些情節。但Wanda是主線，反而叫我有點始料不及)。
其實平衡宇宙唔依章法其實全無故事可言都得，我當年聽到DC都有玩呢個題材，只不過係寫到無野寫，搞個嘅平衡宇宙易啲reboot 易啲再出故事。dr stange2印證左我呢個惗法，編劇一偷懶。只不斷加插不同角色與其死法，變得和《死神來了》無異，那平衡宇宙的故事可以變得很爛。
雖然有錶，有"are u happy"畏穿全片都算首尾呼應。貫穿套戲，人都係要誠實面對自己。如失戀，至愛嫁人，Dr Stange唔開心就要認左佢； Wanda係認唔開心，但唔認入魔後殺人如麻，唔認想殺另一空間Wanda取代其位置都係自欺欺人。
你問我依家happy唔happy？當然唔happy! 期望愈大，失望愈大。
當時Dr strange1 antman1有番我ironman1果種共鳴震撼……但無囉……我放左工去睇好鬼攰重要等彩蛋比佢玩：‘it is over!’ 我等咁耐你啲咁嘅垃圾我？！
重有廸士尼好學唔學陰陰濕濕加啲大愛野，America的雙親是 two mothers。我至唔like。就好似Eternals係唔係都要加個基嘅。唔like。有人覺得好吖；我覺夾硬梨。
最後智勝wanda；wanda自盡都算ok。65-70分左近啦。我排位星夢會第一、其次Batman、三先到Dr Strange2。
（本網歡迎各界投稿，文章內容為作者個人意見，並不代表本網立場。）