好多人認識「興華」，都係由柴灣開始。
一間喺屋村入面、門面唔起眼嘅茶餐廳，
由1978年開始，每日朝早六點開門，
煎蛋、炒飯、煲湯、招呼街坊，每日如常，年年月月。
呢個就係我長大嘅地方，亦都係我開始學做事、學做人嘅地方。由細到大，老闆娘都成日同我講呢幾句：
「比客人食嘅野唔可以馬虎，唔好求其。」
「咁樣先至留得住啲客人。」
細個嗰陣時未必明白，但日日睇住佢用心做，慢慢明白到，一間小店之所以會被人記得，
街坊日日嚟捧場，並唔係因為裝修靚、唔係因為花巧，而係因為做嘢嘅人，有用心、有底線。「興華」呢個品牌，就係咁樣開始一步一步行到今日。
從山旮旯嘅興華二村，走到全香港，
成為唔少香港人認得嘅名字！
結業前嗰幾年，興華開始愈來愈多人認識，
去過唔同地區做團購、街坊跨區嚟捧場，甚至去到外國市集，都有人認得「興華」。
「興華」嘅蔥油炸雞髀、西多士、沙嗲牛肉麵、紅豆冰、奶茶，慢慢變成一種熟悉嘅香港味道。而「興華」呢兩個字，亦開始同「信得過」畫上等號。
做「興華大閘蟹」呢幾年，亦同樣得到客人嘅信任，好多舊客人，每年蟹季都會再幫襯我地，當中甚至有唔少藝人、圈中朋友，
都變咗係「興華大閘蟹」嘅熟客。
佢哋未必識我，但識「興華」，願意俾我地嘅大閘蟹，上佢地張枱。呢份信任，我地一直都好珍惜。
而「興華」無論做緊邊方面嘅產品，我腦裏面都係媽媽嗰句：
「對得住客人，對得住自己，將最好嘅野俾客人。」
直至今日嘅「興華大閘蟹」，其實同以前冇分別，雖然由炸雞髀變成揀大閘蟹，產品完全唔同，但興華多年嚟堅守嘅「原則」，從來都無改變。
每一隻大閘蟹外表睇落好似都差唔多，但其實由產地、飼料、水源，到運送方式，每一環都會影響質素。呢啲細微嘅分別，最後就會分出唔同嘅等級、唔同味道。
由第一日開始，「興華大閘蟹」一直堅持揀選最高品質嘅大閘蟹，絕對唔會貪平而降低標準，務求令到客人食得開心、食得安心。而每一隻送到客人手上嘅大閘蟹，都係由我或者老闆娘親自睇過、揀過、確認過新鮮、生猛、足秤，先會放心出貨交俾客人。
老闆娘教落：
「你自己都唔會食嘅嘢，就唔好比客人食。」
呢句一直都係「興華」做生意嘅底線。
海鮮唔可能 100% 完美，但服務可以做到最好。就算再用心揀、再用心驗，大閘蟹始終係海鮮，有時天氣、運送、氣溫，都有機會出現問題。但興華最著重嘅，從來唔只係食物質素，服務質素對我哋嚟講同樣重要。
當有問題出現嘅時候，你搵到邊個？
搵到嗰個人，會唔會真係即刻幫你處理？
喺「興華大閘蟹」，答案好簡單：
落單係我，查詢係我，有問題跟進都係我。
每一位客人，我地一定用心處理。唔會推搪、唔會拖延、唔會失蹤。
我哋明白，每一位幫襯嘅客人，都係因為信任「興華」。
如果運送途中有蟹死亡 → 即刻補送或退款
如果其中一隻唔靚 → 下一單補返
如果唔好彩成單都唔夠膏，我地第二日全單免費重送。
其實呢啲並唔係硬性規矩，而係因為我地明白，客人幫襯我地買蟹，就係想一班人開開心心食一餐，所以絕對唔應該因為我哋嘅問題影響心情！
我地賣嘅，除咗係食物質素，
仲係讓客人放心嘅服務質素。
「興華」可以變，但做事的方法永遠都唔會變。
由屋村茶餐廳小店，變成香港人熟悉嘅名字，去到英國市集檔口，再到今日做大閘蟹。
產品變咗、平台變咗、地方轉咗，
但我地做生意嘅初心始終不變：
親力親為。盡力將最好嘅俾客人。
有咩問題，都可以第一時間搵到我地，
立即處理，絕對唔會推搪、唔會拖延。
細細個媽媽嗰句，到今日仍然係興華核心：
「對待食物要用心，對待客人更加要用心。」
如果你想食大閘蟹，希望「興華大閘蟹」，可以成為你今年嘅安心首選。陪你同屋企人、朋友，留低一餐又一餐開心嘅回憶～
查詢與落單
WhatsApp：66813896
IG：hing_wah_1978
輸入優惠碼《SUPPORT INMEDIAHK》，
買滿 $1000 即送 5.5–6 両蟹公（價值$128）一隻。（優惠碼不可與其他優惠同用）
多謝你支持興華，亦多謝你支持獨立媒體。
