【獨媒報導】叱咤樂壇流行榜頒獎禮晚上舉行，組合Rubberband 憑《Ciao》奪得叱咤樂壇至尊歌曲大奬，主音6號在台上致辭時說，「我哋一定要好好地過，無論你係選擇安定留喺度，定還是冒險去咗第度，呢首歌送晒畀所有依㗎喺香港，或者已經離開咗香港去到地球另一邊嘅香港人，我哋永遠都係香港人。」
《Ciao》的填詞Tim Lui及負責編曲、監製的雷柏熹亦有上台。雷柏熹指歌名Ciao 的意大利文有「再見」或「你好」的意思，又慨嘆最近說了不少再見，堅信只要堅持下去和加油，「必然可以和牽掛的人和事，再次說Hello，加油大家！」
Tim Lui 感謝Rubberband的信任，多年來予機會一起填詞，形容丈夫才是「填詞部經理」，「雖然我係你條𡃁啦，你成日都會同人哋講好彩咁甜一齊寫，幫手推進首歌豐富嘅歌詞。如果我係推進，你就係lead 住件事嚟行。唔好妄自菲薄，加油！」
泥鯭：咬緊牙根，真理必勝
鼓手泥鯭則表示，要感謝喜歡該歌曲的人，高呼「咬緊牙根，真理必勝。」結他手阿偉則感謝家人，希望將歌曲送給全部香港人，「無論你呢一刻喺世界邊一個地方，我哋一定要好似歌詞入面咁講，我哋一定要好好地過，我哋終有一天會再見，說了再見約定再見，我哋會再見！」
這是RubberBand繼2010年的《SimpleLoveSong》，在十一年後再次奪得至尊歌曲大奬。DJ阮小儀在頒獎前亦稱，喜歡和朋友說再見多於「拜拜」，認為再見存滿希望，可以很快再相見。