（獨媒報導）政府將重建馬頭圍邨，首期料於2028年先清拆洋葵樓及水仙樓。位於洋葵樓的藥行，在邨內經營約10年，已與街坊建立感情，會為行動不便及長者提供送藥上門服務。他的租約於今年到期，盼能獲續約經營至拆遷前，服務至最後一刻。
距離洋葵樓及水仙樓居民遷出尚餘兩年，在洋葵樓開業10年的海藥堂中西大藥行，老闆梁先生對於遷拆感迷惘，目前尚未收到搬遷安排詳情，「我哋商戶咩消息都未收到，連張信都冇」，所有消息僅從新聞得知。
藥行與房屋署的三年租約，將於今年12月將屆滿。他望能獲續約，營業至清拆限期前，「佢都要遷拆，希望佢都（租金）減多些少俾我」，「越少人越少生意係冇辦法嘅事，不過我哋做開街坊生意，就始終有啲感情喺度，我哋唔會話搬就搬咁解。」日後搬遷時，亦盼在附近覓得合適位置。
老闆梁先生
梁先生年輕時與朋友在附近的球場打籃球，因此在10年前選擇在馬頭圍邨開業，笑言「唔知係情意結定咁啱，我就見到（空置舖位）喎咁我咪租，就係咁簡單。」
10年間，梁先生已與邨內街坊建立深厚感情，亦特意為年紀大及行動不便的街坊提供送藥上樓服務。不過他明言居民遷走後或難以再送藥：「睇吓能力範圍可唔可以，人手充唔充足，你話附近我上去就係，你話去黃大仙喎我要搭車過去，咁就難啲啦。」根據房屋署的兩期搬遷方案，首期居民將分別遷至土瓜灣道新公屋及位於黃大仙區的新美東邨。
對於要離開，他大嘆不捨，「我哋梗係唔捨得啦，話晒街坊都叫有感情，見到無啦啦佢哋喺條街度，嚇一嚇你『喂』尚有在，比較歡樂嘅互動，見到你又玩吓你咁樣。」梁先生提到，不少街坊向他反映不想遷走，「有啲真係年紀到咁上下，手腳冇咁方便，落唔到去表達自己。」有年長街坊希望在此百年歸老，「甚至想喺度住多10年、8年，其實佢哋一走動、搬完，仲喺唔喺度呢，佢哋成日講。」
納入第一期重建計劃的洋葵樓，地下共有11間舖位，現時有9間店舖營業中，除中藥行外，亦包括美容店、牙醫診所、中醫藥行、壽司店外賣店、高山滷水打冷小廚、兩間運動服飾店及便利店。
雜貨鋪老闆指邨內人流漸少 生意僅僅應付店舖租金
位於第二期重建計劃中玫瑰樓的雜貨鋪「長旺辦館」，在邨內經營約6年，店內售賣多款懷舊零食及玩具，燒賣及魚蛋等小食的定價便宜，如魚蛋8粒僅售10元。老闆余先生表示，特意平售給予區內的學生。雖然6年不長，但已見證不少小朋友長大，「有時啲細路仔過幾年升上中學，有啲就出咗嚟做嘢，有啲就走咗。」
長旺辦館老闆余先生
余先生同對馬頭圍邨不捨，指向店外坐著長椅的老街坊「全部都識」，「做得耐好多街坊熟客朝頭早會打招呼。」不過他亦指，現時邨內人流漸少，生意不如過去般穩定，「加上對面拆樓好少人入嚟」，僅能應付店舖租金及開支。
問到清拆後會否另覓舖位重開，他則指暫時未有任何計劃，但不少街坊希望原區安置，「其實好多樓都係舊，其實應該要重建」。
玫瑰樓屬第二期拆遷，料於第一期新馬頭圍邨落成後遷往，時間為2036年。
長者盼留低
居住在芙蓉樓63年的余婆婆，是第一批入住居民，現時與兩名兒子同住，她不清楚拆遷詳情，「幾時拆得嚟呀！我地老人家今日都唔知聽日事。」訪問期間，她不時向路過的老街坊打招呼，感嘆「而家啲街坊同舊陣時街坊唔同啦，以前啲街坊好親密架，而家家都閂門。」
居住在水仙樓數十年的顏婆婆，自老伴去世後便一直獨居，她滿意馬頭圍邨的生活：「呢樹好呀，呢度地方又平，買嘢方便，岀入又方便。」「無辦法啦，政府要拆咪拆囉。」
