趁木棉絮仲飄在人前，大家未忘記佢嘅存在前，我哋再講講木棉。（花開花落好多時候每一朝早就打掃乾淨，日日喺樹下掂行掂過，少有咁抬頭仔細睇佢長成點樣，每次都覺得變咗好多。）
三、四個月前，木棉花仲開得好紅好燦爛。花順應自然規律落下，融入泥土提供養份；落喺石屎路上嘅花就冇咁好彩，掃埋垃圾堆內。有時有精打細算嘅市民會執番屋企曬乾、煲五花茶，有清熱、利濕、解毒嘅功效，對醫治肚屙、痔瘡好有用（多謝中醫學網友提供資訊）。
到五、六月，棉絮飄飄，又可以執番嚟當綿花入綿被用（PS棉絮同綿花係唔同架！）木棉樹原來喺衣、食、住、行唔同層面融入我們的日常生活之中。
套用《幸會木棉》嘅一句說話：樹木一直都在，能夠意識並珍惜它的存在，是我們和世界之約定。
幸好，仲未跌落地嘅花果綠葉唔係食環嘅管理範圍，如果係，可能已經被清理乾淨，甚至絕子絕孫，咁究竟咩先係乾淨，咩先被容許留下呢？咁被留下同被清理係視乎乾唔乾淨，抑或係其他嘢呢？究竟咩係「人樹共生」？
攝／留白
地／從聖安當去高俊苑路上的廟旁