【獨媒報導】47人涉組織及參與民主派初選，被控「串謀顛覆國家政權」罪，16人不認罪，今（2日）踏入審訊第97天。陳志全接受盤問，法官關注陳於2020年6月底初選街站提及「不惜」運用基本法權力，以否決預算案迫政府回應五大訴求，陳強調他當時是鼓勵選民投票，或「隨口噏」。庭上續播放街站完整片段，陳志全提到以往參選如「爭獎牌」，但今時今日是「爭住去犧牲」，並指當時擺街站遭警察抄身分證，亦可能有拍片，但他說「你唔使拍我吖」，指「無論係DQ嘅罪證又好，未來呢個國安惡法嘅罪證又好，我哋都係光明正大嘅」，有被告聞言發笑。陳在街站又質疑，國安法指定法官由特首揀選，一定是選被告斬人也讚他有「高尚情操」的法官；又批評《國安法》如「強姦香港市民」之餘還要說是「性交轉運」，指香港人「最低限度都要識嗌唔好」。
控方問陳是否代表人民力量 官指受審是被告非人民力量
控方續就陳志全6月底的將軍澳街站發問，指他提到「抗爭到底」，陳指是選舉口號。周天行問該口號是否陳志全、譚得志和人民力量的口號，陳笑說：「其實冇分得咁清楚，我又係人民力量，快必又係人民力量」。周指，故陳說的話代表人民力量？惟李運騰打斷周天行：「為何你對於被告是否代表人民力量這麼執着（obsessed）？最終受審的是這名被告，不是人民力量。」
副刑事檢控專員(V) 周天行
街站提否決財案迫林鄭回應五大訴求 陳重申為鼓勵選民投票
周續引述陳志全曾於街站提及：「今次大家搞初選，已經將個人或者黨派嘅利益係放埋一邊㗎喇，無論邊個出線邊個當選，喺未來都要同心協力抗爭到底，包括我哋之前話，不惜運用基本法賦予立法會議員嘅權力，嚟去否決財政預算案，迫使林鄭月娥政府重啟政改，回應五大訴求，達至雙普選。」周問「抗爭到底」的口號，是否包括否決預算案，迫使政府回應五大訴求？
陳指不同意，又稱「嗱我都預咗你會問我呢題，但你都唔可以淨係睇呢一句嘅」，並重申昨已提到在街站或宣傳片均有提及35+可做到的事，但不會講得「太過誇或者實得」，以免予選民「empty promise（空頭支票）」。陳並建議法庭留意他完整發言，指他說出上述發言後，有提及「但係今時今日似乎呢個 step 已經跳咗喇」，着選民不要太大期望，因林鄭月娥已變成「話唔到事」的「中共傀儡」。
陳續指當天街站主軸是鼓勵人投票，「對峙一啲無力感，對峙一啲覺得投票冇用、議會冇用嘅人」，強調就算達不到35+、不能令林鄭回應，初選如果有很多人出來投票，已是選民力量的展現，比起建制派指「簽咗百幾萬嘅簽名（支持《國安法》）運動」的力量「大好多」。
法官關注陳志全提「不惜」是準備好運用否決權 陳指「隨口噏」
陳仲衡關注，陳志全提到「不惜」，故不只是以此作為《基本法》權力的例子，而是表示已準備好運用否決權。陳指可能現時「睇文字就好似個語氣係重啲」，並問能否回放片段，因當天「冇稿冇盛，我當時就係隨口咁樣噏出嚟」。陳仲衡指，是辯方大狀馬維騉決定不播片。陳指片段很長，他不是強烈要求法庭要立即看，也不想浪費法庭時間。惟陳慶偉指這並非浪費時間，並要求播放全長38分鐘的片段。
陳街站指以往議員「爭獎牌」、今時今日「爭住去犧牲」
控方續播放片段，陳志全提及香港人過去一年「變咗好多」，「返唔到轉頭」，故要「抗爭到底」，而抗爭包括街頭、網上、議會、國際和黃色經濟圈戰線，強調每一條戰線都要盡最大努力，入到議會要盡全力抗爭，與港共政權、中共抗爭到底。陳又指，以往民主派參選猶如「爭獎牌」，但今時今日是「爭住去犧牲」，「攞到嘅議席唔係話畀我哋去享受呢個議席帶嚟嘅榮耀，而係準備作出最大嘅犧牲。」
陳指《國安法》下初選或是投票表態最後機會
陳續指初選目的就是盡量減少同路人競爭，不會「鷸蚌相爭」，亦是「推動呢一場運動」。陳單張提到「儘管民間初選不盡完善，卻可能成為投票表態嘅最後機會」，解釋因「《國安法》壓境，可能都已經拉咗去坐監喇⋯⋯你未報名已經拉咗你喇」，而香港眾志的年輕人提到「初選得到越多嘅支持，係代表中共要DQ佢哋係越樣衰，但係中共真係唔怕樣衰呀」。
陳又提到被問是否怕DQ，「我就話冇得怕㗎，因為把刀喺中共嘅手上，喺港共嘅手上」，並形容政府2016年引入的參選人「確認書」為「僭建物」，指若政府要求簽署支持《國安法》，「我覺得所有民主派嘅朋友唔應該簽，因為咁樣係背叛香港人，係背叛呢場運動。」陳又指，已作最壞打算未必能參選，因可能所有現任民主派議員也會被DQ、「全部民主派冇得入閘」。
人民力量前主席、前立法會議員 陳志全
陳指國安惡法強姦香港市民之餘還要說「性交轉運」
陳亦談及對司法制度和《國安法》看法，指就張舉能委任首席法官議案投反對票，「唔好再畀個假象大家睇話香港有咩嘢司法獨立呀，我哋要尊重法庭嘅司法系統。」陳又形容現時中共推「國安惡法」，「可以架空我哋法庭」，甚至「拎返去北京審都仲得」，而法官由林鄭月娥揀選，「佢會揀一啲咩嘢法官呢？梗係揀啲有高尚情操嗰啲法官喇，即係斬人都有高尚情操嘅法官⋯⋯呢啲仲係咪我哋以前香港所謂嘅司法獨立？」三名法官聞言時面無表情，繼續觀看電腦螢幕。
陳續指，當局「將國安惡法講成好似香港嘅救命護身符」，是「守護神」、「中共送畀香港嘅大禮」，但「我就要踢爆佢國安法唔單止唔係一啲好嘢，簡直係要強姦香港市民，喺強姦香港市民之餘，仲要話呢個係性交轉運喎……仲話對你好呀，係對香港好呀，立咗國安惡法呢就繁榮穩定喇、長久至遠喇」，「我哋覺得中共而家係咁同香港人攬炒。」
陳又指，香港如步入文革時代、以言入罪，「如果香港人唔反抗，係逆來順受，即係佢強姦你，你話哦，好舒服呀咁樣，咁樣冇人可以幫到我哋㗎」，「所以香港人，最低限度都要識嗌唔好。」
陳指街站遭拍片如成《國安法》罪證也「光明正大」
陳續指，「未來呢場抗爭運動，我哋唔知道我仲可以行幾遠，可能聽日佢就拉咗我」，並指剛才開街站被一班警察圍住，「我從來都未試過候選人或者議員呢要抄身份證嘅」，但還是遭抄身分證，又被要求拍攝單張相片，「可能亦都係拍低晒我哋講咩嘢。」
陳指「我話成份（單張）畀你，畀多幾份你都得啦，啊警察，係咪呀」，又說「你唔使拍我吖，我而家 Facebook Live 緊嘅，你上我網咁咪睇得晒囉，我講乜嘢你覺得係罪證，無論係DQ嘅罪證又好，未來呢個國安惡法嘅罪證又好，我哋都係光明正大嘅」，林卓廷、鄒家成等聞言發笑，旁聽席亦傳來笑聲。
陳又提到，「抗爭到底」的意思是「咬住唔放」，「邊個可以咬住唔放呢，邊個就係最尾有機會贏」，「對啲保皇黨如此，對林鄭政府如此，對共產黨亦都如此。」
控方播畢片段後，法官下令休庭，案件明早續審。
審訊第九十七日
陳志全指若民主派過半拒開會 預算案「首讀都讀唔到」
庭上播陳志全街站片段 指影片如成DQ或「國安惡法」罪證「我哋都係光明正大嘅」
審訊第九十六日
陳志全開始作供 指35+非「實贏」關鍵在一致行動 惟民主派過往「各自為政」
陳志全認35+機會微 仍提可否決財案冀對峙無力感鼓勵選民投票
陳志全稱對民主派失望、「無心戀戰」遂不留任立法會
審訊第九十五日
何桂藍完成10天作供 指如黃定光「瞓咗冇睇」等3情況才屬無差別投票
審訊第九十四日
何桂藍認同議員有權基於政治訴求否決財案 惟指不論內容否決「程序上講唔通」
審訊第九十三日
何桂藍指難言誰發起抗爭派記者會 稱曾邀陳志全出席但「食檸檬」
何桂藍指《國安法》令《基本法》成condom、若法庭認同爭民主化為顛覆是「攬炒」普通法
審訊整理
第十八周審訊整理 辯方案情展開 首名作供被告鄭達鴻供述與公民黨分歧
第十九周審訊整理 鄭達鴻稱公民黨因《國安法》改政綱、否決財案僅「籌碼」不致癱瘓政府
第二十周審訊整理 曾被嘲「大灣棋」 彭卓棋認「扮黃」爭支持、國安法後棄政綱
第廿一周審訊整理 何啟明稱簽「墨落」仍可選是否否決財案 劉偉聰從不知初選綑綁當選後行為
第廿二周審訊整理 施德來：論壇提否決財案為顯民協「進取」、要特首回應五大訴求為否決恰當原因
第廿三周審訊整理 何桂藍：參選望推進2019年運動、預算案存「黑洞」反對是履行憲制責任
第廿四周審訊整理 何桂藍：初選為迫政權回應民意、若法庭認同爭民主屬顛覆是「攬炒普通法」
區諾軒24天證供總結︱「35+計劃」怎樣開始？就否決預算案達成共識了嗎？
趙家賢17天證供整理︱趙口中的「35+計劃」是怎樣的？民主動力角色是什麼？與區諾軒證供有出入嗎？
鍾錦麟3天證供整理︱民主動力如何參與「35+計劃」？與趙家賢證供有什麼出入？