【獨媒報導】港足在卡塔爾備戰亞洲盃決賽周，守門員謝家榮向《獨媒》談到今屆賽事的專用足球，指與港超聯比賽的用球相比，重量上沒太大分別，但則較飄，相對較難預測軌跡，但自上月中本地集訓以來已適應，又大讚卡塔爾大學訓練場的草地質素非常好，「落地」的時候感覺如同地氈。
足總圖片
今屆亞洲盃決賽周採用由KELME卡爾美，為賽事特別設計的「VORTEXAC23」作比賽足球。謝家榮向《獨媒》表示，亞洲盃比賽用球的重量，與港超聯的分別不大，但就相對較飄：「亞洲盃呢個比賽用波對於我嚟講係比較難預測，即係比起港超嗰個波係難預測。佢可能突然之間會飄啦，真係比較飄，向外飄，或者有時會停喺空中。」
不過，謝家榮指，在經過本地及阿布扎比集訓後已適應該皮球：「由本地集訓開始，我哋已經用嗰個波練，所有嘢都適應得好好，習慣得好好。」
足總圖片
世界盃球隊訓練場地集訓 謝家榮感幸福
在轉抵多哈後，港足選址前年世界盃球隊的訓練場地，即卡塔爾大學作集訓。「家榮」表示，對於能夠在該場地操練感到開心、幸福：「可以享用呢個咁好嘅場，質素咁高嘅場，仲要係一啲世界頂級嘅國家隊都用過嘅一個球場，真係估唔到自己都可以喺度訓練。」
港足訓練近年都在位於將軍澳的足球訓練中心進行，今次海外集訓就令一眾球員有新鮮體會。謝家榮亦指出，卡塔爾大學訓練場的面積，感覺上較香港的球場大，並以「非常好」來形容草地質素：「我哋要撲波、要落地嘅時候，個感覺係好舒服啦，唔會痛，唔會啜住，個人係好smooth 嘅。落地嗰下係好舒服，好似喺地氈咁樣。」此外，「家榮」又提到，訓練場內設有球員專用更衣室及冷暖按摩池，對場地設備非常滿意。
足總圖片
謝家榮籲一同見證港隊成果 交出應有表現報答球迷
港足在香港時間周三（10日）晚上11時半，會與沙地阿拉伯進行練習賽。謝家榮強調，球隊在集訓其間都出盡全力備戰，務求以最佳狀態出戰三場賽事。
「家榮」呼籲球迷一同見證港隊成果：「可能小組出線，甚至行到更遠啦。就算最後結果可能未必係咁都好。每一場都希望俾你哋睇到，我哋爭勝嘅決心、我哋嘅拼搏精神，交出應有嘅表現去報答大家。」