【獨媒報導】足總管理層接連引入無足球背景的「新血」，包括由商界出身的譚秋朗任行政總裁，及香港歌劇院前總經理連𨯚君為新機構管治總監，更有傳足總內部多名員工近日不獲續約離職，士氣低落。足總總幹事袁文川指「睇唔到有咩問題」，又認為人事調動與新機構管治總監連?君無關，指她上任僅兩日「櫈都未坐暖」，「點會咁快有咁大影響力？」
袁文川：足總人手短缺 一個人做三個人工作
足總部份員工於6月30日約滿離職，足總總幹事袁文川指由足總去年7月1起已有人事變動，承認人手極度短缺，填補空缺需時： 「有好多同事其實一個人做緊一個、兩個， 甚至誇張啲做三個人嘅工作都未定。」他指，足總對人事調動「有新諗法」，包括改組及職位調動，並已聘請顧問公司做相關研究，預計8月中有報告，形容現時為「尷尬時刻」。
麥柏倫
麥柏倫續任要重新應徵 貝鈞奇：董事局冇特別批評
香港足球總會董事局改選5名董事後首次開會，足總主席貝均奇稱今日未有討論香港足球隊主教練的問題，將於7月15日再開會討論。對於有新成員加入足總董事局，希望帶來新氣象，「唔係大家圍威喂，而係大家出謀獻策，唔係互相有派系爭拗。」
港隊主教練麥柏倫上月月底已約滿，帶隊出戰世界盃外圍賽後﹐已返回家鄉芬蘭休假。貝鈞奇早前指要待新一屆董事局處理較合適，今日再稱「新董事喺匆忙之間後唔能夠做出明智決定，所以都要好小心。」有記者問及「想唔想留佢（麥柏倫）？」貝鈞奇未有正面回應，僅稱「個人冇咩特別意見」，需要視乎球員對他的印象。
麥柏倫於2019年4月上任，領軍12場，成績為1勝2和9負，入4球失24球。貝鈞奇指若麥柏倫有意續任，亦需重新應徵，又透露董事局「冇特別對佢批評 」。他又以需向政府檢討撥款為由，指政府未承諾批出申請撥款而未有與麥柏倫續約，「唔係話簽就簽」，形容足總角色被動。