【獨媒報導】香港23歲以下男子足球代表隊上月到日本，參加U23亞洲盃外圍賽，最後包尾出局。報導指有一半球員賽後在酒店飲酒，更醉酒生事。足總行政總裁譚秋朗確認事件屬實，但認為今次屬個別事件，「飲酒如果喺自己房係OK嘅，但如果鬧事，涉事到其他啲嘢就唔係咁好。」
香港18歲以下男子足球代表隊前年到泰國集訓，同在酒店內飲酒。記者問到，為何再有類似事件發生，譚秋朗認為屬獨立事件，「佢哋U23嚟，有部分球員係適齡，我無具體查佢哋涉事嘅年齡，同上一次係唔同。」
記者：你覺得代表香港期間飲酒係OK？
有記者追問譚秋朗「你話飲酒OK呀？」譚秋朗表示，如果球員為適齡，飲酒便屬合法。言論令該名記者感到驚訝，「你覺得代表香港期間飲酒係OK？」譚秋朗辯稱，「佢哋唔係醉咗嗰啲無問題，健康飲法」，又重複表示適齡飲酒是合法，認為輕量慶祝沒問題。
足總下午舉行董事局會議，會議長達四小時。足總主席貝鈞奇在會議後「走先」，稱「我行先，交晒畀CEO喇」。譚秋朗獨自對記者講述事件，指有球員在10月28日賽後當晚飲酒，指教練已當場向日本足總道歉，並主動向對方賠償。
記者追問譚秋朗口中的「屬實」，即醉酒、破壞和未滿20歲飲酒，譚秋朗不回應，「呢刻唔方便講details啦，等多好短時間，將會詳細交代清楚。」他喚記者給予空間涉事球員，不希望球員在心理上有影響。
足總提供圖片
否認目前做法不公 譚秋朗：你無做你唔洗擔心
《獨媒》記者質疑，足總目前的做法對其他未有涉事的球員不公。譚秋朗不同意，稱「你唔係涉事嗰個人，人哋唔會無辜辜話你，就算話你，你都行得光明正大㗎嘛，你無做你唔洗擔心。」
有球迷在網上表示，香港年輕球員再次在外地醉酒鬧事，嘲U23變成「酗23」。譚秋朗強調，足總並沒有隱瞞事件，指在球員返港隔離期間已立刻向他們了解，並通知球員所屬球隊，重申事件仍在調查當中。
將交紀律委員會處理 喚不要競猜罰則
譚秋朗進一步解釋，足總在上星期才收到日本足協的報告，指已將事件交由紀律委員會處理，待有正式裁決後將轉告球會，「由頭到尾都跟進緊件事⋯⋯從足總角度嚟講都幾嚴重，你著住港隊嘅衫做呢件事，我覺得要負返少少責任，對香港形象都唔係咁好，球員始終係一個有紀律嘅活動，希望球員能遵守規定。」
記者問到足總對球員的罰則，但譚秋朗喚記者不要競猜，希望事件能交由紀律委員會處理，「我哋所有資料齊晒，有足夠資料判斷。」
確認競賽部主管辭職 譚秋朗：正常流失屬可接受
屋漏兼逢夜雨，有傳足總原競賽部主管劉綽姿日前離職，多名競賽部職員在上星期六請假，譚秋朗更要親自到球場跟進工作。譚秋朗同確認屬實，但表示即使有突發事件，足總仍有足夠人手處理，指當日亦能順理完成賽事。
譚秋朗表示，劉綽姿為自行辭職，不存在足總解雇對方的說法，並已就該職位作招聘。他認為，公司有正常流失屬可接受，又表明「我想要改變嗰啲依㗎都未開始」，稱希望能善用組織的人手和資源，「唔係你哋諗到受薪嗰啲，係組織資源調動。」
新主教練將由德國到港
此外，對於港隊主教練招聘一事，譚秋朗確認已和對象簽約，對方將由德國到港，預計在明年年初完成隔離，及展開工作。記者問到，該對象是否北韓前主教練、挪威籍的安達臣，譚秋朗沒有否認，只稱期望月中能發出工作簽證。
記者：麥馬高