（獨媒報導）2019年7月21日，大批白衣人衝入港鐵元朗站襲擊市民，昨日是事發後第七年，繼續有未忘記事件的市民現身元朗站。有人手捧西瓜到場，更有人攜帶刀具在天橋切西瓜食，亦有人攜花紀念受傷人士。警員向多名黑衫人士搜身及查身份證。除了便衣警員，亦有10多名穿黃色制服的港鐵職員一同駐守站內。部份職員肩膊有攝錄機，不斷呼籲市民及記者不要阻塞通道。
黑衣女士「鳩噏」遭港鐵職員警告 稱站內不能講粗口
一名身穿黑色上衣女士，手挽著「咪蝦我讀書少」帆布袋，傍晚現身元朗站。她向在場警員表示，天水圍有不少人士吸毒，稱國家主席習近平指示要打擊毒販，不明白為何港府不理會，質疑警員「企喺度做咩啫？」
她發言期間，有港鐵職員上前表示不能在港鐵站內進行訪問。女士回應指「佢冇問我嘢，我自己鳩噏」，職員隨即指她講粗口，已違反《港鐵附例》，給予她第一次警告。女士稱自己是北方人，不知道「鳩噏」是粗口，又稱「對唔住，我知啦」。
職員之後要求她出示身份證，指如果違反《港鐵附例》講粗口，「唔係罰錢啊，上法庭㗎啦」。女士開始情緒激動，強調自己不知道「鳩噏」是粗口，又質疑職員有何資格查她身份證。爭論數分鐘後，有便衣警員上前，最終協助職員抄下該女士的身份證。
李盈姿持西瓜被截查 警員搜出「搜乜撚嘢」文件夾
曾被當局引用23條拘捕的李盈姿亦在傍晚六時左右現身元朗站。她手持一個西瓜，以及一張網傳在2019年有份襲擊市民的「西瓜佬」照片。她向《獨媒》稱：「想搵返西瓜佬，佢嗰日打我哋啊嘛。」說畢，隨即有便衣警員上前，將她帶到站外天橋位置搜身及記錄身份證。
搜查期間，警員在李盈姿的背囊內搜出一份文件夾，上面印有「搜乜X嘢」的字眼。她又笑言：「七年前有咁多警察喺度就好啦，七年前呢幾個（便衣警員）都好細個，唔知佢哋知唔知咩事。」
李盈姿被搜查了約一小時獲才放行。她表示，警方是例行搜身、搜隨身物品及查身份證，笑稱「今次（搜查）就唔知點解咁耐，佢（現場警方）都不斷打電話去追問『得未』。初初以為，咦，係咪要帶上車？」她又說，因過往經常被警方搜查，故隨身帶備印有「搜乜X嘢」的文件夾。
她另表示，搜查期間向兩名年輕女警分享了七年前元朗警署落閘一事：「你知唔知啲市民幾傷心，同埋當時你哋掉頭走，冇警察喺度，於是啲白衣人喺度打我哋（市民），跟住我哋自衛，點知自衛個班俾人拉咗坐緊監。」、「我同佢哋（警員）講，將來你哋上司如果落order叫你哋咁樣做，再做咁樣嘅事，你哋要拒絕囉，唔可以唔理啲市民，由得我哋俾人打，希望佢哋會聽得入耳。」
雷玉蓮食火龍果 喻「成嘴都係血」、「滿手鮮血」
至六時半，身穿印有「未完·待續」黑衫、持拐杖的陳先生，手捧西瓜站在連接元朗站的天橋上，不久便遭警員查身份證。他大聲斥便衣警員：「專搞埋啲小動作，想我哋啲市民想發聲冇得發聲，點解你哋當初721要掉頭走？你哋求其一個喺度，嗰班白衣人都唔會搞亂，大家都唔會有嘢發生。」他又對着西瓜說：「西瓜佬你去咗邊呀？」
陳先生
社運人士「女長毛」雷玉蓮身穿則紅色扎染 T 恤，在傍晚近7時 抵達元朗站。她在身上貼上白色皺紋膠紙，指「我而家受咗重傷，721重傷」。港鐵職員上前了解，便衣警員緊隨截查。
獲放行後，雷玉蓮戴上粉色頭巾，便衣警員於是向她稱「仲有啲嘢想問吓」，要求她返回原位，詢問她到訪元朗的目的等。雷玉蓮對此表示不解，指自己並未違法，卻遲遲未獲放行，又拿出火龍果邊吃邊說「成嘴都係血」、「滿手鮮血」，最終被截查近 40 分鐘後才再獲放行。
有市民攜花紀念受傷人士 稱過往未見港鐵職員駐守
每年721皆會到元朗站的Brian，今晚上 7 時 28 分身穿黑色裝束，胸口口袋插上白色滿天星到元朗站。港鐵職員隨即上前要求記者不要阻塞通道，便衣警員亦上前截查 Brian。
Brian
他表示，過往未見有港鐵職員在場駐守，而今日戴上白色滿天星，為了紀念 721 當晚多名受傷人士及今日仍然受到傷害的人，並打算於元朗站最少逗留39分鐘。他又指，有警員於截查時向他稱「職責要跟住我」。
杜志權穿《蘋果日報》絕版T恤：對抗極權就係靠真相
至晚上約8時，社運人士杜志權身穿「UNCOVERING THE TRUTH CONFROTING INJUSTICE」黑衫現身元朗站。他一出閘隨即被便衣警員截查。他向《獨媒》表示，該上衣是絕版《蘋果日報》出產T恤，現時已經無法購買，「冇㗎喇，大家記住啲真相，對抗極權就係靠真相」。
杜志權
被問到為何今日會出現元朗站？他表示自己身為新界人，721會盡量到場：「雖然明知冇乜作用，但係要記得嘅人就會記得，唔記得嘅人會諗盡辦法忘記佢，咁我哋唔想唔記得嘅，盡量出嚟打個圈。」
