【獨媒報導】港隊羽毛球隊代表鄧俊文、謝影雪早上出戰混雙四強，和日本選手渡邊勇大、東野有紗爭奪銅牌。「鄧謝配」最終以0:2不敵日本，與獎牌無緣。二人最後在賽後帶淚感謝9年前由台灣來港的中國教練陳康及馬來西亞籍教練鍾騰福，謝影雪更稱：「無論攞到成績又好攞唔到又好，都一直無放棄我哋、相信我哋。好多謝佢呢9年犧牲。」
NowTV截圖
在首局，日本隊憑渡邊勇大多次殺球得手，港隊一度落後至7:14，之後力追，惟最終仍以17:21落敗，落後局數0:1。
港隊在第二局採取主動，一度最多領先日本15:10，但之後被追至16:16。雙方在尾段「咬住上」，日本領先20:18，港隊之後連追2分至20:20「刁時」，港隊最後以23:21再輸一局，以0:2惜敗，與獎牌無緣。
《無綫電視》截圖
鄧俊文賽後認為今場表現不錯，打出賽前控制速度節奏的部署，認為在尾段心態比較緊，未能堅定打法，「攞唔到最尾最重要嗰兩分」。他多謝所有香港市民踴躍支持，並形容今次東奧經歷是美中不足，可惜最後未能取得獎牌，「由第一場好辛苦一分一分頂返嚟，頂到入8強，再入4強。」
最後一屆出戰奧運、29歲的謝影雪指在關鍵分中比較緊張，「唔敢豁出去打」，錯失追攻機會。對於港隊羽毛球混雙歷史性打入奧運4強，謝影雪指已盡最大努力，「一分都冇放棄」，希望年青球員可看到，努力與堅持可以打出好成績。
被問及對拍檔鄧俊文想說的話，謝影雪即時流淚，以毛巾掩面，並哽咽道：「好多人成日講我帶住佢，所以先攞到呢啲成績，其實冇佢根本唔會有咁好成績，呢幾年我哋係一齊進步。」
鄧俊文亦特別感謝謝影雪，指自己以前只是寂寂無名的運動員，近5年都是由謝一步一步帶領出賽，甚至參加東奧，「就算嚟到奧運，佢哋俾好多經驗我控制場上心態。」