（獨媒報導）港隊今早接連有兩場賽事，何詩蓓破亞洲紀錄，晉級100米自由泳決賽。羽毛球混雙組合鄧俊文、謝影雪則硬撼中國隊鄭思維、黃雅瓊，以0:2落敗。奧海城有近百人觀賽，有市民形容港隊：「佢哋都係香港嘅Warrior，希望佢哋繼續焫著香港」，亦有母親帶同女兒前來支持，盼藉此機會讓女兒學會堅持及接受失敗。
100米自由泳準決賽於今早9時55分舉行，何詩蓓以52.40秒衝線，成小組第一名、總排名第二名晉級決賽，繼昨日200米自由泳破亞洲紀錄後，再破亞洲紀錄。商場內掌聲不斷，有市民大喊「何詩蓓加油」。何詩蓓將於明早衝金。
另一邊廂，港隊羽毛球混雙組合鄧俊文、謝影雪歷史性打入奧運四強，今早10時硬撼頭號種子中國隊的鄭思維、黃雅瓊。中國隊一開局即展開多輪搶攻，觀賽市民屏息靜氣，並在港隊得分時響起如雷掌聲。「鄧謝配」最終以0:2不敵中國，將於明早迎戰東道主日本隊的渡邊勇大和東野有紗，爭奪銅牌。
市民感謝港隊：希望佢哋繼續焫著香港
徐先生與友人廖先生今早專程到場觀賽，稱對香港運動員充滿信心。徐先生稱一直有留意「鄧謝配」，又認為香港隊先後獲得今屆兩面獎牌，能為整個港隊增添士氣。
徐先生形容：「佢哋（香港運動員）都係香港嘅Warrior，希望佢哋繼續焫著香港」。廖先生亦稱很感謝港隊，因為「好似好難得會有啲新聞，係一個完全開心嘅新聞，幾難得呢段時間都幾開心」。
比賽完畢後，徐及廖均認為鄧謝配已盡力，「啲眼神睇得出係緊張」。他們希望兩人繼續享受比賽，「打好每一球」。對於何詩蓓再次衝擊獎牌，徐先生認為她狀態大勇，對其決賽賽事深感期待。
廖先生（左）、徐先生（右）
三代同堂撐港隊 母盼教懂女兒堅持及接受失敗
廖太今早帶同兩名女兒和母親一起到場撐港隊，稱想藉此機會教懂女兒堅持，「畀佢哋知道，做運動員要有堅持。我噚日都教咗佢哋一句：台上一刻鐘，台下十年功」。廖太指，昨日亦有帶女兒到商場觀看伍家朗的男單賽事，並教導她們接受失敗，「話畀佢哋聽，唔係所有嘢都always win，盡咗力已經好好」。
10歲的姐姐及7歲的妹妹在賽前均顯得興奮，妹妹指「支持香港」，記者追問原因，妹妹回答「因為我係香港人」；姐姐則指稱對鄧謝二人「有信心」，並對何詩蓓「好有信心」。姐姐續指，平日和妹妹喜歡一起打網球，看奧運亦令自己更想做運動。對於鄧謝配最終不敵中國，姐姐指「雖然輸咗，但佢哋都做得好好」，又寄望二人「唔好因為輸咗就放棄」，妹妹則指「香港隊好犀利！」
廖太與兩名女兒和母親
對中港大戰不感矛盾 ：一定企香港呢一邊
住在荃灣的李先生指，今早特意放下工作來此支持港隊，並對港隊充滿信心。被問到中港大戰會否令自己心感矛盾，李先生直指：「冇矛盾，一定企係香港呢一邊！」鄧謝配於第一局小敗，李先生指「比賽梗係有高有低」，並寄語二人「要加油，未到最後一刻都唔好放棄」。他又否認香港人是勝利球迷，「嚟得呢度一定係支持，唔一定要攞獎牌」。
李先生