【獨媒報導】PUMA 7人足球賽周日在旺角麥花臣遊樂場舉行，前港足代表唐建文帶領的 Team Future 奪得賽事冠軍，他成為冠軍教練。唐建文在退役後，未有出任足球教練，經營髮泥生意，他接受《獨媒》訪問時就表示，今次賽事帶領一眾2005年、2006年出生的球員贏得冠軍，很有成功感。唐建文就勉勵年輕球員：「相信自己、堅持，每個人都有自己叻嘅地方，唔需要同人比較，比較自己就可以！」
38歲的唐建文在去年退役，離開了逾20年的職業足球。這名前傑志副隊長未有像部分本地球員一樣，任職足球教練。「唐文」創辦自家髮泥品牌，經營髮泥生意，希望能夠在新的環境作新的挑戰。
未有加盟低組別球隊 欲享受「無目的」足球
《獨媒》問到近況，「唐文」就咧咀大笑，稱已半年沒有踢足球，最近才與朋友、中學同學踢衛生波。唐建文透露，有低組別球隊邀請他效力，但均婉拒了。他表示，希望能在享受的環境下踢足球，「唔想再喺有目的嘅地方下踢波，想好自由、開心，同啲朋友傾吓計、笑吓踢一場比賽，多過有目的我一定要贏咁去踢。」
唐建文持有亞洲足協B級教練牌照，但退役後未有執起教鞭。他感謝 PUMA 邀請出任今次活動的教練，帶領一班年輕球員一起進步：「小朋友會需要經驗，見到佢哋慢慢去成長，其實覺得幾開心。做教練，令到佢哋比完賽有得著，係幾有成功感。」
成冠軍教練 唐建文：有熱誠、想學就會有進步空間
今次 PUMA 7人足球賽，在去年12月舉行遴選日，在100名球員中選出部份球員，分成四支球隊，由郭嘉諾、盧比度、法比奧及唐建文分別揀選及訓練球員。唐建文帶領的 Team Future 成功殺入決賽，球隊在法定時間上半場落後一球，但一眾年輕球員未有放棄，最終追和同由前港超聯球員的法比奧帶領的 Team King。Team Future 最後更在互射十二碼擊敗 Team King 奪得冠軍。
在石地球場踢七人足球，這不但是中小學生平常事，亦是波友的賞心樂事，旺角麥花臣遊樂場正是小型球勝地。唐建文則認為，這已是香港的獨特文化。今次跟一眾年輕球員相處了兩個個月，唐建文指出，自己揀選球員的準則是對足球認真、有熱誠：「知道足球態度係乜嘢，唔係嚟到好似玩，我無睇佢哋技術去到邊，有熱誠、想學就會有進步空間。」
要求球員做好細節 或「出山」任教練
唐建文強調，年輕球員的態度至為最重要，他便要求 Team Future 的球員，必須認真做好每一個細節，「開頭唔係好知做乜，驚畀人笑，我會鼓勵佢哋多啲，令到個個都唔怕輸，個個都有鼓勵，目標係贏波同互相扶持。」
另外，唐建文坦言，今次活動激發了自己，或希望能夠「出山」任足球教練，但表示要視乎對方的目的：「如果（中小學）只係 for fun、課外活動，咁就唔會想⋯⋯ playgroup 只係你令到佢哋有興趣，輔導嘅形式。但如果佢哋好想學踢波嘅話，你俾啲技術佢，佢已經係好想學，一講就好容易明，佢哋唔怕輸，會好想學好。」