在金融界內混飯吃的人究竟佔幾多成呢？大行報告都應該是由D業界精英寫的吧，然後又好多人環繞呢D報告做分析，靠佢搵食。呢D野偏偏無乜料到，對一般投資者欠參考價值，甚至整出來就是為了哄D傻豬仔上賊船，對社會大眾可謂有害無益。呢D所謂精英之所以賺咁多，顯然是因為幫到老闆賺錢。咁在本質上，佢地和街邊D快樂商店，專呃D公公婆婆錢有乜分別？
香港地好多人覺得靠綜援過活的是對社會無貢獻的懶人，佢地會覺得自己咁辛苦做野但被D大食懶分享左成果好唔抵，咁其實都係人之常情。之不過咁，如果真係咁唔gur人掠奪自己勞動成果，唔係更應該針對和大規模狙擊果D根本係度呃呃騙騙的金融寶藥黨或者財經演員嗎？
金融大鱷或基金經理最多被人鬧下，但更多時候係被人報以豔羨眼光，賺得錢多固然是其中一個因素，但又唔係淨係關錢事，毒梟大把身家依然係唔會得到人敬重。金融吸血鬼之所以有光環，最主要的原因相信是我地被主流經濟學的大論述洗腦洗得太犀利。在他們口中，金融和高增值行業畫上等號，佢地亦最鍾意用對GDP的貢獻來將人分等級，好多貶低基層的想法，文化上的源頭就係來自呢班最鍾意淡化貧富懸殊嚴重性的經濟學者。
近年網上烽煙四起，焦點集中在左右大戰之上，忽略了更隱性更根本的劣質文化基因，本土內涵的流失恐怕連止蝕做不到，這才是最值得人憂心的地方啊！