「元朗長城」通過工務小組，16贊成、13反對、1票棄權。民主派差三票才夠否決。對不起大家，財委會階段會繼續努力。
我認為此事有雙重不幸，值得深思：
1）區議會議員抱着寧多勿少的「叉燒飯邏輯」，條橋最緊要又大又長，忽視了工程的負面效果及實際需要（先唔講造價）。政府提供的可行性研究報告講明，發展局認為「根據人流數據」，行人橋只需要建到大馬路，不用建到教育路，但運房局唔理數據，推翻發展局意見。
這就跟八鄉的鄉事派要求將錦上路擴闊至四線一樣，其實不是應付居民需求，而是增加地產發展潛力。
地區政治不能擺脫起野才是政績的發展邏輯，結果一百樣成功爭取加上來，城市一定會愈起愈逼。
2）第二種不幸是「愈拖延愈要搞」。元朗明渠行人橋第一次諮詢在2009年，第二次在2013年，幾年來社會改變不少，但政府聲稱為了做勘探，一拖幾年，最終明知造價高到不合理，仍然要硬着頭皮做，愈拖延就愈改不了，寧願錯都要做，因為「有好過冇」。
要解這個結的方法不難，只要區議會／立法會有決定點洗錢的權力，即是有選擇權。一知道條橋造價要17億，可以改變主意，或者縮減工程慳錢做其他野，或者直頭決定唔做，改為投資其他項目。
現在無此選項，行政獨大，社區冇自主。情況好似，你住百五尺劏房，有人送你四門大雪櫃，要又煩，唔要又覺得蝕底。
民主派不是為反而反。民主派認為最終我們要爭取的是體制改革，不要行政獨大，區議會和立法會都可以提出開支預算。當我們有權決定點使錢，使錢時就會更謹慎理性。紓緩元朗塞人塞車，買個單門雪櫃（大馬路天橋）咪得，剩啲錢做其他野好過。