近日上映的《大師兄》，講述甄子丹去了一間成績很差的中學教書。大家可以想像，這間學校裡的都是絕望的人：老師覺得點教都嘥氣；同學覺得點讀都無用。於是成就一種頹喪風氣，教師不再用心，學生也放棄學業。
相信這是許多香港中學的寫照。
然後甄子丹很型棍地出場，他前身是軍人，自小好打得，所以學生諗住整蠱佢嘅時候，佢總能用非常人所能及嘅敏捷身手抵擋攻擊。
然後順理成章地，當學生被黑幫圍毆，他今次可以唔止「一個打十個」，是一個打廿個，絲毫無損般拯救學生。
這樣的橋段讓我想起十年前在J2播過的《GTO麻辣教師》，鬼塚英吉老師原本是不良少年，所以明白黑社會生存之道，並以義氣教育學生如何做人、以拳頭保護學生安全。
另外，TVB劇集《點解啊sir係啊sir》當中，陳豪與楊怡也是極愛護學生的老師，當如親生看待。而陳豪本身更是警隊，身手不凡，最終在老師的努力下使這些被標籤「頑劣」的學生改過自新。聽起來，所有師生校園劇都是倒模般一樣令人振奮。
然而現實是，我們有幾多老師可以一個打十個？深入龍潭虎穴的時候，我們往往見到單靠一張能說話、能談判的嘴是沒用的，要溝通、要分勝負來下決定，就只能靠武力進行。試問我們有幾多老師可以打架去保護學生？
然而現實是，我們有幾多老師會明白學生？電影中、漫畫中講的吸毒、緩交、入黑社會，有幾多老師願意「紆尊降貴」進入板間房探望學生的父母？再講句公道話，有幾多老師真的有能力處理這些問題？沒槍沒拳頭沒身手，老師只是人。
所以這些劇集與電影都是活在烏托邦裡，以為老師會關心學生關心到佢地嘅私生活，又以為個個老師都十八般武藝，可以對付惡霸。醒醒吧，根本不存在。
最後，云云劇本一致把老師神化，講到佢教書個陣幾有趣、幾有型有款，學生由最初上堂煮麵、彈結他，經過一堂之後即刻乖曬，坐定定係度聽書。有幾多老師可以脫離syllabus，教自己想教嘅野？係唔係所有跳脫嘅教學手法，例如答對一條問題就可以回家、不上課（出自《大師兄》）？事實是教師與學生一樣，在制度下沒有選擇。
識出拳？又錫學生？我們實在不必妄想太多。有時候，課程改革、教育改革都是一種奢想。