（獨媒特約報導）警方昨晚完成包圍理大一帶後，於晚上派出談判專家在紅磡站平台開咪籲示威者投降，指「生命冇take two，你哋死咗唔關我哋事」，又指「你哋好明白自己嘅暴行，你哋連理工大學都代表唔到，點代表香港？」等。示威者則斥警員作政權的傀儡，被政府利用，籲他們勿用武力對付人民。
在暢運道對峙現場，警方咪手亦持續開咪指會使用適當武力，籲示威者盡快投降，警方咪手指示威者「你哋好似鐵達尼號撞向冰山咁，汽油彈係爭取唔到自由㗎」，又指理大以物理治療聞名，相信能為傷殘的同學尋找到物理治療師，「你以爲自己好撚正義呀？你哋覺唔覺得好羞恥？你哋對唔對得住自己嘅父母同師長？」
警員全晚一邊向示威者喊話，一邊播放多首歌曲，包括張國榮《追》、《真心英雄》、陳慧嫻《千千闕歌》、羅文《號角》、《Last Christmas》、《那些年》、《人海中遇見你》、《年少無知》、《Scotland the brave》等逾10首中外懷舊及流行「金曲」。示威者斥「唔好以爲播歌就可以掩飾你心入面嘅慚愧」，「我哋死死氣返來理大就係為咗唔想有第二個周梓樂」。
記者：湯璧瑜、黃蕊獻