Ho sad，有好多文章寫完後，慘在歷久常新、永遠不衰。區選勝利FF完一陣後，幸在大家無被「小勝」沖昏頭腦，紛紛劍指下年立會選舉，又重提起「點樣成為功能組別選民」既呢個問題。
話說我呢篇寫於2016年既「功能組別選民」文，當時既結論最最最重要既一句是：「你就是要成為一堆唔知咩協會嘅會員」 。仲要呢D會大部分連入會點入都唔知，Website都無個，又或者根本入會方法都唔會寫俾你－呢點就是政府最陰濕既地方。
當然，如果大家有心，不妨每個協會search下，話唔定會搵到一個唔使課金、做到會員既會，先可以真正實現成為功能組別選民呢個夢想啦。
本人於2016年撰寫之文章：究竟登記做功能組別選民呢件事可以有幾麻煩？
這段時間大家都應該知道是登記做選民的時期。地區直選大家都可能知道是什麼，但是功能組別，卻只是一個「千臭萬世」的名號、一個似乎事不關己的詞語。到底咩是功能組別？點先可以做到功能組別的選民？本人就親身試試俾大家睇個過程，同埋、最後都是失敗...
所謂立法會的「功能組別」，其實是指某些行業在選舉中擁有特別投票權。至於點解？真是who knows。但總之如果你是處於某一界別，例如你是做保險，咁你立會投票就會有多一個投票機會，即是投你保險界既議員出黎。立會而家同下一屆都是35席直選議員、35席功能組別，如果你有多一個投票機會都即是可以影響到多少少架。
以本人為例，作為一個負責任既公民，我個人當然已經是登記左做直選選民。我是鋼琴老師，有經營一個琴室，咁我又可唔可以投「體育、演藝、文化及出版界」呢？於是本人今日屎忽痕就去search下睇下可唔可以登記。唔search尤自可，一search先發覺困難重重！
起google search 「功能組別」、「登記」的字眼後，click入選舉事務處，你會見到一個個方格，可以click入去。呢度雖然問題不大，但作為用家我覺得個版面真是好L樣衰囉。你大拿拿政府網頁可否做令少少呀，咁鬼山寨既...
1
由於本人是要搵「體育、演藝、文化及出版界」，click入去之後是一個長達21頁既PDF：
2
起呢個時候我已經開始火起。唔是呀化你叫人睇21頁PDF？你無野呀嘩，有無再唔user-friendly D呀。我按捺住怒火，一個個Items咁睇、睇接近10分鐘，最後終於搵到登記資格。以「體育、演藝、文化及出版界」為例，除左一 D 唔重要既旁支之外，簡單講你就是要成為一堆唔知咩協會既會員至得。如果你無參加果 D 協會既任何一個，So Sorry原來你都唔算是呢個界別既人士；你即時申請都唔得，因為佢要你最少起個會度有一年。而即使你經營相關行業，唔好意思當中的條款是無寫到你可以因此而成為登記選民的。
起呢刻，我知即使我是做文化界行業都無可能有得投。咁好啦，果 D 協會是咩協會？其實真是水蛇春春春春春咁長，有興趣就自己click黎睇（http://www.reo.gov.hk/pdf/gn/spcp_c.pdf ），但都是睇到D名就已經知道是紅底到爆既團體：
3
呢D會咪就是新年節日擺下D強國花燈裝飾就以為自己叻叻豬做左好多文化推廣既垃圾協會囉！好啦我試搵下關於自己果行既音樂類協會啦。其實最後我一個都唔是佢地既會員，都算了，居然香港人類學會、香港考古學會都有，真是匪夷所思。
4
於是我試search下「香港人類學會」咁啦。結果是google search engine的第一頁中，根本都無呢個學會！唔知是咪佢唔敢勾結外國勢力？試過其他的會，除了一些大型的協會之外，一是就紅底、一是就搵唔到！究竟呢D協會是否存在於世？！真是好恐怖！
經過今次試驗，我得出幾個結論：
1。做政府既人做既Website真是好好好好好核突
2。作為文化界既本人居然是無票而感到很過份
3。唔怪得功能組別選出黎既人智力咁低等，因為果D乜乜協會一是紅底、一是就是上網連搵都搵唔到既真心小圈子協會，全部是為了成為投票機器而製造出黎，簡直是界別清洗
4。香港政府根本有心刁難市民唔俾人投功能組別，其實呢種都算是利用行政手段促使市民不投票的方法（選舉事務處真是好好賤格！），原因如下：
* 試問有幾多人願意去睇果個咁鬼核突咁趕客既website設計？
* 試問有幾多人願意去花時間睇果廿頁PDF？
* 又有幾多人會願意因為要有多一票而一年前去個協會做Member？又或者如果本身是果D協會的Member，相關機構又有無做宣傳？
* 而政府自己又有花多大力度宣傳功能組別的投票？根本無。門襤又怪、登記又難，完全是有心刁難！可以想象其他的界別一樣都是咁！咁唔User-Friendly的目的只有一個，就是要讓人知難而退，然後自己搵D阿婆阿嬸去做會員投票俾建制！唔怪得功能組別投票率長期低到喊啦！
我在此呼籲，如果你是功能組別選民而你又是泛民本土的，一定一定要去登記！我知道是好麻煩，投左都可能是建制蠃，但是你甘心咩？如果你有呢個身份可以登記，拜託你點都要試下！唔好衰比呢個強姦民意的正苦睇呀！！！