我來到時，已有一大班黑警逗一個勇敢哥哥，同時，大班街坊圍觀。黑警剛查完勇敢哥哥個背包，無嘢搜到。沒有收隊意欲，一隊圍著他；另兩個圍著連儂牆大聲手足。我站在大聲手足附近，以便支援。勇敢哥哥，大聲說，點解你哋要搞香港啲後生仔？香港人嚟㗎，點解要咁對佢哋？黑警站著，街坊錄影，勇敢哥說，你拉我告我咩啫，我交稅唔係畀你鳩拉啊！黑警聲稱有人報警。他反問在場人士，邊個報警啊？全場無人出聲，他說，無人報警啊，你哋走啦。一男一女黑警攞出證物袋，想將連儂牆下的文具帶走，指著問，有冇人？勇敢哥說，你哋走就一陣會有人攞返走。他拿起問有冇人架？無啊嘛？咁我一陣攞去警署報失。黑警無佢符，勇敢哥保住文具。又問721我報警無人聽，你哋去咗邊啊？這時，黑警散水。
你哋怕佢哋做乜？勇敢哥質疑。你哋唔出聲，個運動咩搞成咁。我寫上說話給收押所手足，今晚和你寫。不知為何勇敢哥愈說愈激動。你哋咁驚無用，淨係靠黃色經濟圈無用。先頭無人出嚟幫手罵警察。大聲哥手足說，黃色經濟圈係有用架。有啲嘢無得逼，我都好明白你，波蘭都係用咗好耐......「呢度係香港啊。」勇敢哥喊道。
有學生中年人跟勇敢哥理論，依家鳩拉又老屈。勇敢哥很激動，但我聽不清他說什麼。有個中年叔叔，欲勸說勇敢哥，說，兩邊權力不對等。
我一直站在同一位置，有個手足向旁邊的人解釋，你畀佢發泄下啦。佢都好辛苦。
勇敢哥說，我先頭等緊巴士，見到黑警搞你哋，即刻行過嚟。說話激動時，他頸的青筋更大更明顯，像要爆開。
的確，黑警欺善怕惡。大家都怕，這是事實，被亂拉，砌生豬肉。
有學生說，西九龍拍照學生有辦你睇。
差佬怕乜啊？行得正企得正。他激動說，「你哋就係咁，七個月喇，不如返屋企瞓覺啦」。一手掉下口罩，背包未拉拉鏈，他失望地離開。他對我們在場每一位都大感失望。「先頭又無人出嚟幫手，咁驚差佬，唔幫手，你哋返去瞓覺啦。」呢句說話好壓住個心，唔係嬲佢，係嬲自己。怕死。有些人就是無畏無懼，你話佢癡線，我唔認同。他背著我們離開時，我一直望著他的身影。他說出我們埋在內心最深最黑的弱點。