（獨媒特約報導）全國政協常委何柱國接受《無綫新聞》節目講清講楚訪問，斥行政長官林鄭月娥「咩都唔郁」，無視立法會內會停擺，迫使兩辦即港澳辦和中聯辦出手，「佢哋盡量希望唔理香港事。拖咗七個月影響民生，唔可以出嚟講咩？講句嘢都犯法咩？」他又炮轟對方是鴕鳥，無視其負民望。
在訪問中，何柱國多次對林鄭表達不滿，去年的《逃犯條例》修訂對香港造成嚴重撕裂，「我對佢好大意見，呢件事係佢開頭做錯。」他嘲諷林鄭動用納稅人的金錢買民望，即全港每人一口罩，才令民望有所回升，「你可以當無事發生，好似鴕鳥咁當睇唔到咪囉。」何柱國又表示，「我唔敢冒犯佢，佢喺係背脊插得我多，一刀刀斬落嚟。」
立法會內會停擺，《國歌法》未能如期審議，何柱國不滿公民黨郭榮鏗的做法，質疑影響民生，所以必須用不尋求的手法和法律「行一條路」。他炮轟郭榮鏗居心叵測，要拖死立法會，更引用美國前總統克林頓的例子，稱其沒有和助理在辦公室內發生性行為，「只係口交」，「兩個（郭榮鏗和克林頓）都係死抝頸，但意圖好明顯。」
對於《基本法》第22條的爭議，港澳辦和中聯辦被指干預香港事務，何柱國稱，新華社香港分社在回歸後「衍生」為中聯辦，即要「睇住香港事務」，港澳辦則開宗明義管理香港和澳門，「你抝22條係無謂。香港有支五星旗喺度，講句說話都無權咩？」
兩會本週開鑼，何柱國稱，自己較少把涉及香港的議題作提案，但聽到有人提出作《基本法》第23條立法，但認為社會的反彈不大。他事後孔明稱，在去年已反對《逃犯條例》修訂，形容香港行了一條衰路，認為應直接推行23條，「要行點解唔行23條？」他「解釋」稱，23條只針對部分人，如干犯間諜罪、顛覆國家和收受外國捐款的人。
何柱國認為，23條立法不涉及普羅大眾，亦不影響人的正常生活，「如果唔係做間諜，唔係顛覆國家，關你同我咩事呀？係咪呀？」他重申，每個國家均有國家安全法，斥民主黨和公民黨如的立法感到不滿意，23條便跟足美國的國家安全法作編寫，「如果咁樣滿唔滿意呀？我去同中央建議，去代替23條。個個唔鍾意就去美國嘈。」
記者：麥馬高