（獨媒特約報導）行政長官林鄭月娥宣布因應「疫情」，押後立法會選舉一年，並稱要於一年「空窗期」研究內地投票安排。參選九龍西的社民連岑子杰斥荒謬，指「點解淨係大灣區嘅港人投？台灣、加拿大港人又投唔投得，唔該政府政策要有啲一致性。」
根據目前《立法會條例》，如該人非常住香港，並無資格成為選民。政府統計處去年的資料顯示，有逾54萬港人長居內地，不過建制派一直爭取讓該批「選民」投票的安排。
在已被取消的立法會選舉中出選九龍西的社民連岑子杰認為，境外投票做法荒謬，「點解淨係大灣區嘅港人投？台灣、加拿大港人又投唔投得，唔該政府政策要有啲一致性。」他指香港投票有傳媒監察，可以監察選舉是否「有古惑情況出現」，令市民對選舉結果有信心，質疑在境外未有此功能。
同樣出選九龍西的民協何啟明亦批評境外投票不合理，「選民按居住區域劃分選區，從來都無新界以北呢個區域架喎。」他指《立法會條例》清楚列明選民須為永久性居民及通常在香港居住，居住內地港人不能投票，「政府宜家就見救亡飛未落到嚟，所以就話唔好選住啦。」
報名「區議會（第一）」的新民主同盟任啟邦亦批評做法有邏輯問題，擔心會有「做馬」情況出現，「林鄭話60萬人係香港境外居住，但佢地係香港無永久居留地址如何成為該區選民？」 認為政府已「劃穿肚皮」，「建制派驚無咗呢60萬票就會輸，當中有好多同鄉會、新來港人士票，政府係為呢啲選民做政策。」
對於選舉被押後一年，任啟邦表示新民主同盟成員商量未來一年的工作方向，暫時未知下一步行動，對形勢感到惘然。參選新界東的新民主同盟范國威則多次強調「要延續運動的和勇不分，民主派抗爭派要展示一定程度嘅團結性。」他又指民主派及抗爭派需要開會討論應對方法，「要評估議會戰線得返花瓶角色係咪要全面棄守？定寸土必爭呢？係咪得返街頭抗爭？」
任啟邦批評政府押後立法會選舉完全是政治操作，「中共係咪諗住等埋美國11月大選，如果特朗普未能勝出，就期望美國民主黨放鬆對華政策？」他不滿政府在最後階段才DQ參選人，「當民主派諗緊下一步點做、政府連Plan b都引出嚟報名先講，令民主派措手不及。」對於來年舉行的立法會選舉，任啟邦指「如果真係DQ晒啲民主抗爭派，連較溫和嘅民主派都DQ，就得返鳥籠政治內嘅花瓶，到時又引入湯家驊之類扮中立嘅人代表市民。」
何啟明則認為政府押係立法會選舉是「輸打贏要」，「話疫情嚴峻其實係自己選情嚴峻。」做法破壞《基本法》，「都擔心唔黎會否被DQ，民主派就係原罪。」民協亦將討論未來一年的計劃，但指「一年後係咩世界都唔知，到時仲有無選舉？變咗一國一制都唔出奇。」