（獨媒報導）財政司司長陳茂波早上發表《財政預算案》，社民連到政府總部外抗議，要求設立失業援助金及全民派錢一萬元。政府昨日推出草案，將要求區議員宣誓，如宣誓無效及違反誓言，將被取消資格，5年內不得再參選。社民連副主席、沙田區議員岑子杰表示，社民連經商討後傾向參與宣誓，「咁嘅時勢唔會有補選，更可能出現委任（區議員），唔可以益咗建制派，唔係只會仇者快親者痛。」
政府昨日公布《2021年公職（參選及任職）（雜項修訂）條例草案》，訂明區議員必須宣誓，並加入具體要求包括真誠、莊重、準確和完整宣讀，如宣誓無效及違反誓言，將被取消資格，在5年內不可參選。岑子杰認為，政府及建制派至今仍拒絕承認2019年的區議會選舉結果，「質疑完唔係正常選舉，又加更多限制令人無得參選，呢個咩政府？」
岑子杰又認為，自國家主席習近平上場，在2014年發表《「一國兩制」在香港特別行政區的實踐》白皮書，已完全斷絕港人有真普選的任何希望和機會，「所謂嘅投票，都只係形式上有票投，我啲街坊成日話，議會係字一色，即係『紅中』。」
在反送中運動期間，岑子杰擔任民陣召集人，他慨嘆現時的政治形勢「都係咁差」，「反送中前就係睇唔到嘅壞，依加就係睇到嘅壞，你無得睇唔到。」他表示，政制及內地事務局局長曾國衞的說法令人憤怒，尤其表明修例後必然DQ四名民主派區議員，「其實2016年至今，已經DQ咗好多人，咁又公義咩？」
在抗議行動中，岑子杰表示無論社民連是否擁有議席，均認為不應救市不救人，批評政府拒絕設立失業援助金，「其實民建聯、工聯會都好同意要失業援助金。」社民連主席黃浩銘則表示，建制派政黨有責任修訂《財政預算案》，「怕做唔到愛國者，唔好否決啦，修訂啦。」他重申，在沒有民主派的議會，全香港市民對建制派拭目以待，「行政會議、立法會都有人，佢哋依加係執政一部分。」