面積達172公頃嘅粉嶺哥爾夫球場，地契已於昨日(2020年8月31日）到期。現時一啲續約嘅消息都無。
本研社今日查冊，都係無發現。公眾對於地價同條款一無所知，甚至連「等待註冊的契約」一欄，都係空嘅，係咪代表政府已經為球場秘密續約？請政府澄清：
【地價】是否已以賤價繼續批出面積達172公頃嘅寶貴土地俾富豪打波？
【年期】新地契簽幾多年？如果同上一份地契年期一樣為21年，2026／27年後，是否不用跟隨「交市值三分一地價」嘅政策？
【房屋發展】當中32公頃作房屋發展嘅土地設三年「過渡期」，詳情是甚麼？會否三年又三年？
【開放政策】有否訂立新條款，要求球場唔好再「扮開放」比市民用？係咪繼續只開放weekdays、日出同日落時間，呢啲唔啱打golf，亦唔會有打工仔得閒嘅時段比公眾？
【開放資料】有否訂立新條款，令政府可以開放球場交俾民政局，交代使用量嘅季度報告(Quarterly Reports)？以往政府借條款之便，利用「第三方資料」理由唔肯公開季度報告，令公眾無法得悉球場點樣使用土地
唔好以為社會焦點轉移，就可以「側側膊，唔多覺」延續土地特權，請公眾一同send email打電話問清楚球場契約嘅最新狀態！
延伸閱讀：
【會所場地勁度縮 政府檢討檢碌竹】
政府倡私人體育會繳三分一地價 本研社：為何用公帑補貼會所活動？
讓粉嶺高球場再次貢獻香港